Antonio Noriega estudou no Seminario da súa vila natal e exerceu como mestre nas serranías de Ourense (Trasalba) e Lugo (Vilarente).
Publicou dous libros de poesía: Montañesas (1904) e Do ermo (1920; 6.ª edición en 1946), que recolle o conxunto da súa obra. Certeiramente definido como «poeta da montaña», a súa inspiración arrinca do costumismo e a poesía social de fins do século XIX e comezos do XX (Lamas Carvajal, Leiras Pulpeiro), pero evoluciona cara a un certo modernismo, moi en sintonía co saudosismo lusitano (mantivo estreita relación con Teixeira de Pascoaes e outros escritores portugueses), caracterizado polo depurado rigor formal, a exaltación de vida sinxela a carón da terra e o sentimento relixioso vencellado á natureza, coa que nos seus mellores poemas establece un dialogo íntimo. Veciño e amigo de Ramón Otero Pedrayo, foi moi apreciado pola xeración Nós e gozou dun notable suceso en vida, conseguindo unha extraordinaria difusión das súas obras.
* Obra
-Montañesas, 1904
-A Virxen e a paisanaxe, 1914
-Do ermo, 1920
-Como falan os brañegos, 1929
Antonio Noriega Varela
*Mondoñedo, 1869
*Viveiro, 1947