O olveirense, un campión galego con 150 rallies e 44 gañados


A biografía de Manuel Senra Caamaño, nado o 24 de xaneiro do 61 en Olveira, é unha continua sucesión de títulos. Casado e con dous fillos, o seu debú na competición produciuse no mes de xuño do 83; en rallies, no Ciudad de Ferrol de 1985, e no nacional, no San Froilán de Lugo do 88. En total, disputou neste tempo máis de 150 rallies, dos que gañou 44, 38 deles en asfalto e seis en terra.O palmarés é o seguinte: empezou co kárting cun Ruiz Bultaco de 250, seguiu no 85 co debú na montaña e rallies cun R-5 GT Turbo. No 88 quedou segundo na Copa Renault de Galicia, proba que gañaría ao ano seguinte. No 90 logrou a primeira vitoria absoluta no ralli de terra de Narón cun Peugeot 205 GTI, o que repetiría no Recalvi no 91. No 92 foi subcampeón galego de rallies de asfalto co Peugeot 309 GTI 16V; no 93 e 94, campión galego de rallis de terra co 205 GTI, e no 97, campión galego de montaña co Peugeot 306 Maxi, un coche que xa non deixaría ata agora. No 99 e no 2000 quedou subcampeón na mesma categoría, e entre o 2001 e o 2005, campeón galego de rallies sen parar. Ata o ano pasado, que non o foi, pero en cambio si o foi de montaña. Ademais, Manuel Senra é un coñecido empresario da automoción na zona.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos

O olveirense, un campión galego con 150 rallies e 44 gañados