Entre letras, voces e músicas

Terra adentro A festividade principal da cultura galega foi celebrada en diferentes localidades do sur lucense con actos moi variados que seguirán nos próximos días


Culminou onte a festa maior da cultura galega con actos celebrados en diversos puntos do sur lucense. Pero o Día das Letras Galegas non se celebra unica e exclusivamente o 17 de maio, como é ben sabido. A data xa foi conmemorada con anterioridade en lugares como Sober. O pasado sábado ofreceuse na Casa da Cultura da vila un concerto encadrado ao mesmo tempo na chamada Primavera musical e nas celebracións do Día das Letras Galegas. Actuou a Banda de Música de Sober e foi un concerto bastante especial, xa que era o primeiro que daba a formación co seu novo director, Miguel Rodríguez Barrio . Por certo, aínda que os seus apelidos coinciden cos do poeta lucense Xavier Rodríguez Barrio, non hai ningún parentesco entre o músico e o vate.Tamén en Sober houbo o día anterior, isto é, o venres, un acto cultural protagonizado polos alumnos do colexio público Virxe do Carme . Os rapaces reuníronse na biblioteca pública para escoitar contos en galego, e os contacontos foron eles mesmos. Ben feito. Un poeta fala doutro poeta No instituto monfortino da Pinguela, a festa das letras galegas foi o pasado luns. Alí estivo o poeta e escritor monfortino Antón Lopo para presentar aos alumnos do centro o seu libro As tres mortes de Lorenzo Varela , unha aproximación á vida e á obra do protagonista do último 17 de maio.¿Acabaron xa as celebracións do Día das Letras Galegas? Pois non. O próximo vernes hai máis: no Círculo Saviñao presentarase ás oito da tarde o libro de poemas Na lonxitude do tempo , de Mero Iglesias . Que tamén é músico -como seguro que xa saben-, membro do grupo A Quenlla e do dúo Mini e Mero. Con el estarán Xosé Luís Rivas «Mini» e o escritor David Otero.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos

Entre letras, voces e músicas