Partido Guitiriz-Lumieira


 

O pasado sábado 23 de abril do 2016 celebrouse o encontro deportivo da categoría provincial benxamín de fútbol sala no pavillón municipal de Lugo, e que daba acceso á fase final da liga provincial que se disputou días despois. Enfrontáronse o campión da Terra Chá, o Club Concello de Guitiriz e o campión de Lugo Centro, o Club Lumieira. O partido transcorreu sen ningún incidente e con toda normalidade quedando como gañadores o cativos do Club Lumieira de Lugo. O problema aparece ao día seguinte cando o adestrador do equipo derrotado presenta ante a Federación Galega de Fútbol Sala unha denuncia por alienación indebida baseándose na opinión de adestradores das escolas deportivas de Guitiriz e do adestrador do Club Casás, pasando por alto a opinión do árbitro que firmou a acta do encontro sen que houbera ningunha irregularidade dado que se cotexou o listado dos xogadores presentados segundo o regulamento. O Club Lumieira foi sancionado pola Federación Galega tendo en conta a opinión de terceiras persoas totalmente alleas ao encontro, ignorando a acta do árbitro, e baseándose nun vídeo que se entregou á Federación gravado por un anónimo que fixo mal uso da imaxe de menores sen o consentimento paterno. Ese vídeo non foi esixido por ningún xuíz como proba aclaratoria senón que se usou espontánea e alegremente para inculpar a uns nenos de 9 anos alleos ás artimañas de adultos frustrados pola derrota e movidos por intereses particulares. Gustaríame resaltar a mala fe que mostrou este grupo de persoas, por manipular e xogar coa inocencia dos nenos que o deron todo nese partido. Non é nada loable o exemplo que lles está a dar. E a Federación Galega de Fútbol Sala tampouco soubo estar á altura das circunstancias por non verificar a documentación presentada e sobre todo por non defender aos únicos indefensos e prexudicados nesta escura manobra. Con estas actitudes non lle están facendo ningún favor ao deporte ao premiar ilegalidades deportivas e inxustiza. Inma Fernández. Lugo

 

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

Partido Guitiriz-Lumieira