Un fotoensaio recolle e divulga a cultura do ferro

José M. Salgado presenta hoxe o seu libro «A Idade do Ferro»


Presentación hoxe • 20.00 horas • Sala de exposicións do Centrad (Lugo) • 

A Deputación de Lugo e a Editorial Canela organizan a presentación de A Idade do Ferro, de José M. Salgado, da colección «Imaxes dun país». Trátase dun fotoensaio que recolle e divulga a cultura do ferro do noroeste peninsular. 

O libro contén 181 fotografías de José M. Salgado e textos do propio autor, ademais de tres introducións sobre a transformación artesanal do ferro na cultura tradicional, escritas polo xornalista Luis Celeiro Álvarez, o investigador e membro do Museo do Pobo Galego Clodio González Pérez e o director do Muséu del Pueblu d’Asturies, Juaco López Álvarez. Os textos están publicados en galego e conta con traducións ao castelán e ao inglés.

O fotoensaio dá a coñecer a singular cultura do ferro que aínda se conserva entre as Reservas da Biosfera Terras do Miño, Os Ancares Lucenses e Montes de Cervantes, Navia e Becerreá, e Río Eo, Oscos e Terras de Burón, situadas dacabalo entre a provincia de Lugo e o occidente de Asturias. Supón un «traballo documental que percorre os espazos e visita ás persoas, no que ofrece un retrato espido do estado actual dun modo de vida, ligado ao mundo agrario e preindustrial, que busca, a duras penas, sobrevivir».

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
1 votos
Comentarios

Un fotoensaio recolle e divulga a cultura do ferro