«Pero como os vou maltratar, se me sacaron inconsciente de dentro da casa cando ardeu»

Miguel Cabana
miguel cabana LUGO / LA VOZ

CASTROVERDE

ALBERTO LÓPEZ

O propietario dos cans incautados en Castroverde pola xuíza De Lara di que non hai motivos para a retirada

19 ene 2019 . Actualizado a las 14:01 h.

Ricardo Carballo Nadela, con 77 años, deixou de vivir na súa casa da localidade de Serés, en Castroverde, tras un incendio que lle deixou o inmoble inservible vai xa para cinco anos. Agora reside cunha familia en Outeiro de Rei, pero dúas ou tres veces por semana acude á súa casa para darlles de comer aos cinco cans seus que seguen vivindo na casa. A xuíza De Lara ordenou incautarse de sete cans o pasado xoves, pero os laceiros solo puideron pillar tres. Aínda así, Ricardo Carballo di que da súa propiedade son cinco, porque os outros dous achegáronse por alí e tamén comen, pero non son seus.

-A xuiza mandou as forzas da orde a incautar os animais por non estar ben coidados.

- ¿Ti velos mal cuidados? Eles comen o que necesitan, e están lustrosos e sans. Eu veño dúas ou tres veces por semana a darlles de comer, e ben se ve que os comedeiros sempre teñen penso e auga.

-Pois pódenlle aplicar a lei de maltrato.

-Pero como os vou maltratar, se me sacaron de dentro da casa inconsciente cando ardeu. Eu débolles a vida a estes canciños, a van ter que devolvermos, porque son meus e están ben tratados. Se chego a estar aquí o xoves cando viñeron por eles... íamos ter unhas palabras. Pero se o único que estaba atado ten unha cadea de máis de 20 metros de larga, e os outros son mansos e viven tranquilos dentro da aira. Que fagan isto os xuíces parece incrible.