Becerreá recupera a feira do 12, que se celebrou por primeira vez en 1873

Dende casamentos de trato ata liortas que acababan en tiroteos; así evolucionaron os mercados co paso dos séculos

Foto histórica de Becerreá dos anos 50, no tempo en que se celebrara a feira do 12
Foto histórica de Becerreá dos anos 50, no tempo en que se celebrara a feira do 12

Becerreá / La Voz

Este sábado, Becerreá recupera a súa feira do 12, que se celebrou por primeira vez o doce de abril de 1873, durante a terceira guerra carlista. Retomouse en outubro de 1951 e foi entón cando se estableceu de xeito mensual. Durou once anos e por desidia, segundo informacións da época, deixouse de facer posto que cada vez tiña menos afluencia de xente. Así o explica o historiador e fundador de Patrimonio dos Ancares, Xabier Moure, que será o encargado de falar este sábado, ás doce da maña na casa da cultura, da importancia que teñen os mercados locais para a montaña lucense. Esta feira organízaa a asociación Rente ao Couce en colaboración co Concello de Becerreá e nela ofertaranse produtos típicos, pero tamén haberá artesanía e actuacións. A idea é amosar todo o potencial que ten a comarca e no mercado participarán uns 30 produtores locais. O cartel fíxoo a artista Ana Santiso. Laura Pardeiro recibirá tamén este sábado o Foucín de Honra de Rente ao Couce polo que transmite a través do seu blog Leiras e Marcos.

Gracias por leer La Voz

Suscríbete al periodismo sin límites hecho en Galicia

WEB+APP
Lee todas las noticias en la edición digital y la aplicación, accede a contenidos exclusivos y disfruta de una lectura sin publicidad intrusiva
VERSIÓN PDF
Accede a la réplica del periódico en PDF, a todas las ventajas de la suscripción WEB+APP y a la hemeroteca de La Voz desde 1882

Becerreá recupera a feira do 12, que se celebrou por primeira vez en 1873