Os divertidos personaxes percorren estes días os colexios da provincia
06 oct 2020 . Actualizado a las 13:59 h.Escolares de Baralla, Becerreá, Quiroga, Ribas de Sil, Pedrafita do Cebreiro e Folgoso do Courel recibiron xa a visita dos divertidos irmáns Bolechas, que levaron ás aulas unha nova proposta do programa de divulgación da Axencia Galega de Emerxencias sobre o uso responsable do número único europeo 112. Con teatro, material audiovisual e obradoiros, os personaxes infantís explicaron aos cativos cando se debe chamar ao 112 e os datos que hai que facilitar aos xestores de emerxencias.
Esta proposta enmárcase nun amplo programa didáctico destinado á poboación infantil, que inclúe a publicación dun libro e unha web específica, https://osbolechas.gal/112, con máis información, consellos, xogos e actividades para os máis pequenos.