O Goberno da Deputación inviste nun ano 760.000 euros nas Nogais para infraestruturas e servizos sociais

Con este investimento acondicionáronse múltiples vías en núcleos rurais, mellorouse a antiga escolar taller, prestóuselle atención profesional a máis de 40 maiores e xeráronse oito novos empregos


O Executivo Provincial achegou nun ano un investimento de 760.000 euros a este municipio para o impulso de dotacións públicas e infraestruturas, así como a xeración de emprego e a mellora dos servizos sociais dos máis de 1.150 veciños deste municipio. Campos Conde explicou que con este investimento acondicionáronse múltiples vías en núcleos rurais, mellorouse a antiga escolar taller, prestóuselle atención profesional a máis de 40 maiores e xeráronse 8 novos empregos.

Para melloras en dotacións públicas, o Executivo Provincial levou nun ano ás Nogais 224.000 euros, 120.000 euros para acondicionar a antiga escola taller e a pista adherida. En relación ás melloras da escola, os traballos realizados consistiron  na construción dunha nova cuberta para poñer fin ás filtracións de auga, a pavimentación do solo; e a instalación das redes de auga e alumeado, necesarias para poder recuperar o uso desta infraestrutura. Tamén se melloraron os accesos para persoas con capacidades diferentes, da antiga escola-taller. Actualmente estas instalacións están alugadas a empresas da zona para o seu funcionamento.

Por outra banda, dotouse á pista contigua a esta infraestrutura dunha nova cuberta metálica. Actualmente este espazo é empregado polo Concello das Nogais para gardar a maquinaria municipal. A través do acondicionamento da pista, mellórase a zona do polideportivo, das piscinas e da área de autocaravanas, un núcleo turístico de importancia para o Concello.

Outros 22.000 euros, foron para a construción dun novo depósito de auga na parroquia de Filloval, beneficiando aos 100 veciños que viven na mesma, 17.000 euros destináronse á mellora da rede de alumeado público en 4 parroquias do Concello das Nogais: Noceda, A Pía, Ferreiras e Estacas. Con este investimento, instaláronse 83 puntos de luz LED, beneficiando directamente aos máis de 100 veciños que viven nestas zonas, e co que, o consistorio aforrará anualmente máis de 1.000 euros. O Executivo Provincial achegou 26.600 euros para a adquisición dun camión de lixo. Este servizo público leva funcionando dende fai un ano, beneficiando a todos os veciños do municipio nogaleño.

Impulso dos servizos sociais

O Goberno da Deputación decidiu financiar con 37.000 euros o equipamento do Centro de Día do Concello de As Nogais. Con dito orzamento, dotouse de mobiliario ao vestíbulo, ás salas de autonomía, xuntas, de rehabilitación, de terapia ocupacional e de curas. O Concello cedeu as instalacións á Asociación de Familiares de Enfermos de Alzhéimer de Lugo (Afalu) para xestionar un centro especializado para a atención de persoas que padezan esta patoloxía, así como outras enfermidades neurodexenerativas.

Melloras de 262.000 euros en camiños

O Goberno da Deputación mellorou con 40.000 euros a vía municipal de A Pedriña a Dorna por a Silvela. Os traballos, que consistiron no acondicionamento da estrada, benefician aos 200 veciños da zona. Nas vindeiras semanas rematarán os traballos de mellora de camiños en varios núcleos poboacionais das parroquias de Tore a Quintela, Doncos, Filloval, Castelo, e de Pía-Ferreiras; beneficiando aos máis de 700 veciños. Estas obras están dotadas con 71.000 euros polo Executivo Provincial.

Actualmente, o Goberno da Deputación está a arranxar a vía municipal 037-047 de Vilaicente a Torés, cun investimento de 152.000 euros. Estes traballos son moi importantes para os veciños das Nogais, pois é unha vía moi deteriorada, que empregan a diario a maioría da poboación.

Melloras de 170.000 euros en 2 estradas provinciais

Durante un ano, o Goberno da Deputación, financiou con 172.000 euros, arranxos en 2 estradas provinciais que transcorren polo Concello das Nogais. En concreto, foron melloras de 100.000 euros, na LU-P-3702, que une Nullán, no Concello das Nogais, con Lamas, en Triacastela. Os traballos, consistiron na mellora do firme con aglomerado en quente, así como a ampliación de dúas curvas moi pechadas con zahorra, para mellorar a seguridade, e a limpeza, reapertura de cunetas e sinalización da vía con pintado. Co arranxo desta vía, o Executivo Provincial beneficia directamente a uns 300 veciños desta zona, mellorando a accesibilidade entre os núcleos rurais de Nullán e Lamas, ademais de beneficiarse o sector turístico, xa que esta estrada dá acceso á casa de turismo rural máis concorrida da vila, situada en Chan do Vilar, e ao mesmo tempo comunica co antigo Camiño Real.

A outra estrada provincial mellorada polo Goberno da Deputación foi a LU-P-3701, das Nogais por Pintinidoira á LU-P-450, que une ao Concello de As Nogais con Pedrafita de Cebreiro. As obras, que contaron cun investimento de 72.000 euros. Os traballos consistiron na rehabilitación do firme; reforzo da sinalización; incremento da seguridade coa instalación de biondas e mellora do sistema de drenaxe.

8 novos empregos

As aportacións da Deputación de Lugo permitiron crear un total de 8 postos de traballo, 4 no 2016 e 4 este ano. Estes novos empregos creáronse a través do DepuEmprego e o Ben Empregado, cos que o Goberno da Deputación asume os custos laborais de novos profesionais, que traballan en empresas da zona e no propio Concello, reforzando os servizos públicos municipais. Por exemplo, a través do DepuEmprego contratáronse a 4 peóns de obras públicas, 1 oficial de primeira, 1 peón de servizos múltiples e 1 licenciado en humanidades.

Atención profesional nun ano a 44 maiores

O Goberno da Deputación destinou nun ano 50.000 euros á xeración de 85 prazas de Servizo a domicilio para non dependentes e Teleasistencia gratuíta porque a Xunta non ofrece estas prestacións. Actualmente, este investimento permite a contratación de asistentes sociais, que prestan máis de 6.000 horas de atención a 44 maiores de As Nogais á espera de novas altas este ano.

Dinamización económica e social

O Goberno da Deputación achegou 15.000 euros ao Concello de As Nogais para a realización de actividades lúdico-culturais e deportivas durante todo o ano, así como a celebración de eventos turísticos e gastronómicos. Este orzamento, permitiu organizar, por exemplo, a Feira da empanada e produtos dos Ancares, o Magosto popular, ou clases de fútbol sala, entre outras moitas actividades.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
1 votos
Comentarios

O Goberno da Deputación inviste nun ano 760.000 euros nas Nogais para infraestruturas e servizos sociais