Lugo: Suma e segue para os rapaces do CEIP O Salvador de A Pastoriza, que pasan de fase no Ecopreguntoiro

Nova quenda do concurso Ecopreguntoiro que, como cada semana, puxo a proba os coñecementos dos máis pequechos no relativo ao medio ambiente e á natureza. A última emisión en Radio Voz recolleu o enfrontamento entre os rapaces do CEIP O Salvador de A Pastoriza (Lugo) e os mozos do CEIP A Lama (Pontevedra). Os lucenses levaron o triunfo nesta proba co seu equipo formado por Patricia Díaz, Cristian Folgueira, Fran Méndez, Lucía Pérez e Celtia Vidal, que exerceu de suplente. Pola banda dos de A Lama competiron Marta Perdiz, Triana Baqueiro, Lucía Alfonso, José Tomás Dobarro e, como suplente, Aarón López. Noraboa a todos!