Dous anos de cárcere para dous veciños da Fonsagrada que se agrediron cunha pa e unha aixada

A Audiencia Provincial de Lugo condenou a dous anos de cárcere a cada un dos dous veciños da Fonsagrada que se agrediron mutuamente utilizando unha pa e unha aixada. O tribunal considera probado que ambos manteñen unha «relación de inimizade desde hai moitos anos» e que o día dos feitos un deles atacou ao outro cunha pa.

O agredido, que realizaba labores agrícolas, defendeuse golpeando o seu veciño na cara coa aixada que tiña na man. Ese impacto causoulle á vítima a perda de visión nun ollo e outras feridas graves, polo que o agresor deberá indemnizalo con 58.145,16 euros. O outro acusado tamén sufriu lesións provocadas polo uso da pa.

A sala descartou as acusacións de tentativa de asasinato ou homicidio ao non apreciar risco vital nin asañamento. Deste xeito, foron condenados por senllos delitos de lesións, aplicándoselle ao home que usou a aixada a eximente incompleta de lexítima defensa.

---

---

---