A cita chega xa ás 18 edicións e ten un variado programa
06 jul 2026 . Actualizado a las 22:20 h.O Critérium Aeronáutico regresa este fin de semana, o 10, 11 e 12 de xullo, ao aeródromo de Rozas (Castro de Rei), para a sua edición número 18. Composto de grandes espectáculos aéreos e actividades para toda a familia, este incluirá a edición 40 da Volta Aerea de Galicia.
A programación de actividades deste ano foi presentada polo Diputado de Formación, Ensino e Economía do Coñecemento, Miguel Fernández Méndez, xunto ao Presidente do Real Aeroclub de Lugo, Fran Abelleira. A institución provincial achegou 10.000 euros para o evento.
Entre as actividades durante os tres días, contarase con exposicións de aeronaves, exposicións de proxectos aeronáuticos do ciclo de Aeromecánica do CIFP de As Mercedes, voo de introducción en distintas aeronaves, avións acrobáticos, un simulador de voo gratuito, paracaidismo e inchables infantís gratuítos.
O sábado 11 contarase coa participación de Corpos de seguridade, vendo así o helicóptero da Policía Nacional de 10.00 a 20.00 horas e o da Garda Civil de 10.00 a 13.00 horas. Ademais de contar coa visita dos Canadair CL 215 do Exército do Aire ás 12.00 horas, a dos Plysa Thrush 710P ás 17.00 horas, e o domingo, ás 12.00 horas.
Algunhas das actividades por confirmar é o voo en autoxiro, a visita do helicóptero da DGT e un globo aerostático. Miguel Fernández explica que «este é precisamente o éxito deste Critérium: permite achegar a aeronautica á cidadanía, facela accesible, subir a ese avión por primeira vez».
Respecto á colaboración que mantén a Deputación de Lugo con esta iniciativa, sinalou que «queremos seguir apoiando proxectos que xeran oportunidades, que crean actividade económica, que atraen visitantes e que contribúen a que cada vez máis persoas identifiquen a nosa provincia cun territorio innovador, dinámico e aberto ao coñecemento».
O aceso ao evento é libre e gratuíto. O horario xeral da programación de actividades e das exposicións será de 10:00 a 14:00 horas e de 16:00 a 20:00 horas desde o venres 10 ao domingo 12 deste mes de xullo.