Lugo homenaxeou aos seus pedáneos: de Dositeo Devesa, de 92 anos, ao recordo para Servando Escolante

L.G.C. LUGO / LA VOZ

LUGO

1/6

Paula Alvarellos presidíu a homenaxe aos pedáneos

óscar cela

2/6

Paula Alvarellos entregou ás fillas do falecido Servando Escolante, pedáneo de Esperante, un recoñecemento

óscar cela

3/6

Paula Alvarellos con Dositeo, pedáneo de Orbazai dende hai 60 anos

óscar cela

4/6

Pedáneos que participaron na homenaxe no Concello

óscar cela

5/6

Lugo homenaxeou aos pedáneos das súas 54 parroquias

óscar cela

6/6

Alvarellos e Abelleira fixeron a foto de familia cos homenaxeados

O goberno local rendeu homenaxe aos representantes das 54 parroquias do municipio, escenificando o seu agradecemento nos dous galardoados

16 may 2024 . Actualizado a las 05:00 h.

Coincidindo coa conmemoración do Día do Mundo Rural e a celebración de San Isidro Labrador, o Concello de Lugo organizou esrte mércores unha homenaxe aos pedáneos do municipio, «cuxo papel é esencial para que o rural siga sendo un lugar de oportunidades». Un dos protagonistas do encontro foi Dositeo Devesa, pedáneo de Orbazai dende hai seis décadas, e que xa cumpriu os 92 anos.

O goberno quixo recoñecer a súa aportación e a súa veteranía, ao igual que a de Servando Escolante, recentemente falecido e que exercía de pedáneo de Esperante, a súa parroquia. No seu caso, foron as súas fillas as que recolleron o galardón a título póstumo. Houbo palabras de agarimo e de lembranza á súa figura.

Dositeo Devesa, de 92 anos, leva 60 como pedáneo de Orbazai

Acompañada da concelleira de Cohesión Territorial, Ana Abelleira, a alcaldesa, Paula Alvarellos, presidiu o acto de homenaxe, celebrado no salón de plenos.

«Creo que esta merecida homenaxe é a mellor forma de celebrar o Día do Mundo Rural, xa que cada un de vós representades unha canle aberta entre as demandas das nosas 54 parroquias e o Concello. E non é este un comedito menor. De feito, xogades un papel fundamental na xestión municipal e o facedes ademais amosando un traballo e unha implicación admirable», díxolle a rexedora aos pedáneos.

Alvarellos, que subliñou que o municipio non se pode entender sen as súas parroquias, lembrou que «Lugo non sería a cidade que é sen toda esta riqueza social que ademais representa o 80 por cento do territorio do municipio e ao 10 por cento da súa poboación». Comprometeuse a escoitar e traballar para cumprir coas necesidades que lle trasladen os pedáneos, e avanzou intervencións.

«Imos acometer a ampliación ordenada da rede municipal de augas en aquelas parroquias onde por posibilidades técncicas é posible facelo; estamos tamén acondicionando camiños e vías; colaborando coa Axencia de Modernización Tecnolóxica de Galicia, para a procura de terreos nos que proceder á instalación de torres coas que mellorar a cobertura móbil nas zonas sen cobertura; e, así mesmo, recentemente procedemos á instalación de 1.400 colectores de lixo e traballamos para mellorar o funcionamento dos locais veciñais e o deseño da programación sociocultural nas parroquias».