Miguel Marán, escritor de Lugo: «O deporte desata moitas paixóns e favorece facer tramas»

Félix Jorquera / L.L. LUGO / LA VOZ

LUGO

Miguel Marán
Miguel Marán Carlos Castro

O xornalista acaba de publicar a súa segunda novela, «Naranja y gris», co baloncesto como protagonista

06 oct 2021 . Actualizado a las 12:22 h.

O escritor, filólogo e xornalista lucense Miguel Marán acaba de publicar a súa segunda novela, Naranja y gris, co baloncesto como protagonista. O libro pode mercarse en librarías, na web da editorial Libros Indie e en plataformas dixitais. Marán estivo esta semana no programa Voces de Lugo, de Radio Voz.

-Esta é unha novela de ficción, pero que fala moito da volta ao pasado. A nostalxia mitifica todo un pouco, verdade?

-Si, indubidablemente. Ademais, a etapa miña nostálxica é a dos oitenta, que foi unha época peculiar. O baloncesto tivo un despegue tremendo porque foi cando chegaron as primeiras imaxes da NBA a España, houbo xogadores como Fernando Martín ou Epi, que marcaron unha época. En Europa saíron xogadores como Sabonis, Toni Kukoc ou Drazen Petrovic... Mitifícase un pouco, pero en todas as épocas hai cousas boas e cousas malas e cando miras con perspectiva si que as botas de menos moitas veces.