Caballero reclama en Navia «unha nova política de vertebración territorial»

la voz LUGO

LUGO

Caballero en Navia con alcaldes e concelleiros socialistas da montaña de Lugo
Caballero en Navia con alcaldes e concelleiros socialistas da montaña de Lugo

O líder dos socialistas galegos mantivo un encontro cos alcaldes da montaña lucense

21 sep 2021 . Actualizado a las 20:30 h.

O secretario xeral do PSdeG, Gonzalo Caballero, sinalou hoxe nunha visita a Navia de Suarna que «é hora de que Feijoo pase páxina do seu abandono do rural e de que a Xunta entenda que é necesaria unha nova política de vertebración territorial». 

Así o dixo Gonzalo Caballero no transcurso dunha visita a Navia de Suarna xunto co alcalde da localidade, José Fernández, dende onde reivindicou un goberno «que coide do territorio» e que «garanta cunha carta de cidadanía os mesmos dereitos para todos os galegos e galegas con independencia de onde vivan». 

Así, o líder dos socialistas galegos reclamou unha «nova política de vertebración que afecte ao rural». «Non pode ser, engadiu, que con Feijoo cada mes haxa menos servizos públicos no rural, que se debiliten a sanidade e a educación públicas e que isto afecte sobre todo aos concellos do interior».