A festa de San Isidro da Milagrosa reunirá a corenta expositores

Laura López LUGO / LA VOZ

LUGO

A presentación da feira celebrouse no salón de plenos do Concello
A presentación da feira celebrouse no salón de plenos do Concello

Música, degustacións e premios darán forma á tradicional cita, que este ano se celebrará nun formato máis reducido

13 sep 2021 . Actualizado a las 13:40 h.

A tradicional Feira do Campo e da Artesanía de San Isidro, que cada ano (desde hai 24) se celebra no barrio da Milagrosa de Lugo, reunirá esta fin de semana a corenta expositores. Música, degustacións gastronómicas e premios darán forma á festa, que este ano se celebrará nun formato máis reducido, debido á pandemia.

A alcaldesa de Lugo, Lara Méndez, acompañada da deputada de Promoción do Territorio e Turismo, Pilar García, e o presidente da Federación de Veciños, Jesús Vázquez, presentaron este luns unha nova edición da tradicional Feira do Campo e Artesanía de San Isidro da Milagrosa. A cita terá lugar durante esta fin de semana (os días 17, 18 e 19) na Praza da Milagrosa.

Programa

O programa da feira inclúe actuacións musicais e charangas, degustación de produtos autóctonos e a entrega dos premios memorial José Carballido aos cinco stands máis visitados da fin de semana.