O fillo de Xela Arias mantivo un encontro cos alumnos do colexio Fingoi, en Lugo

La Voz LUGO

LUGO

Os estudantes entregáronlle agasallos e fixéronlle moitas preguntas

09 jun 2021 . Actualizado a las 11:40 h.

Darío Gil Arias, o fillo de Xela Arias, homenaxeada este ano nas Letras Galegas, estivo no colexio Fingoi. Os alumnos puideron coñecer unha perspectiva máis persoal da autora, e achegarse á visión da súa obra desde os ollos dun lector privilexiado. Xela estudou no colexio Fingoi, despois de estar na escola de Barreiros, onde o seu pai Valentín Arias era mestre, seguindo unha pedagoxía anovadora e insólita nos anos 60 que continúa hoxe en Fingoi. Os alumnos de infantil e de primaria fixéronlle entrega de varios agasallos: debuxos, un libro e traballos inspirados nos versos de Xela. Tamén os de primaria e ESO fixéronlle moitas preguntas sobre o traballo e a vida de Xela. Foi unha xornada intensa e emotiva para Darío, que pisou a mesma clase da nai, e moi satisfactoria para os alumnos, que coñeceron máis a Xela e a Darío, que animou a que se fale en galego.

Eloi Caldeiro: «Quixen que se vise a Xela rockeira e canalla»

CARLOS CRESPO

Ten querenza Eloi Caldeiro por musicar aos escritores aos que se lle dedica o Día das Letras. Xa o fixo con María Mariño, Álvarez Blázquez e Ramón Piñeiro. E agora con Xela Arias. Se ben desta volta hai connotacións que fan deste disco algo especial. Os dous son de Sarria e chegaron a coñecerse persoalmente. Lembra Caldeiro, que por entón formaba parte de Tebras, que nun recital en Salceda de Caselas no ano 93 Xela lle confesou que lle gustaría facer letras para rock. «E agora dixen: 'Voulle cumprir o desexo'. Aínda que foi complicado por como escribe Xela. Un verso ten 3 sílabas, o seguinte 17... Buscarlle o ritmo e encaixalo nos compases non foi sinxelo».

Seguir leyendo