Unha produción lucense abre o Festival de Teatro Universitario

Á estrea de «A Emperadora» a cargo da compañía de Lugo, súmanse tres funcións máis, un concerto de Verto e talleres de marionetas e canto. A cita terá lugar do 13 ao 21 no Gustavo Freire

Acto de presentación do programa do festival
Acto de presentación do programa do festival

Lugo / La Voz

A estrea de A Emperadora, produción propia da compañía de teatro USC-Lugo, que dirixe Carmen Conde, será a función que inaugure o próximo día 13 o XXVII Festival de Teatro Universitario. A cita, financiada polo Convenio Lugo Cultural (USC, Concello e Deputación de Lugo), terá lugar do 13 ao 21 no Auditorio Municipal Gustavo Freire, e incluirá a participación de catro compañías universitarias, un concerto de Verto, un obradoiro de palabra e canto con Vicente Fuentes, que tamén dará unha charla, e unha intervención de marionetas a cargo de Marga Portomeñe.

O programa foi presentado o martes a cargo das vicerreitoras de Coordinación do Campus, Montserrat Valcárcel, e de Igualdade, Cultura e Servizos, Mar Lorenzo Moledo, así como da concelleira e deputada de Cultura, Maite Ferreiro. Valcárcel salientou a longa traxectoria e a fonda pegada deixada pola Aula de Teatro da USC ao longo de máis dun cuarto de século. «Os responsables e coordinadores da Aula de Teatro da USC en Lugo e Santiago son os piares do teatro universitario do país», abundou a vicerreitora de Cultura, para logo facer un símil entre o teatro e a esencia universitaria, ao afirmar que «a actividade teatral tamén se asenta sobre tres eixes, como o son formación, investigación e transferencia». Nesta mesma liña, Ferreiro puxo o foco na dimensión social da programación cultural nada desde a USC. O adxunto á Vicerreitoría de Coordinación de Lugo para Estudantes, Cultura, Internacionalización e Servizos, Jesús Varela Zapata, tamén asistiu ao acto.

Compañías e calendario

O elenco de actores afeccionados que dirixe Conde subirá o martes 13, ás 20.00 horas, o pano tralo que tamén actuarán a Aula de Teatro Universitaria de Ourense Maricastaña, Teatro El Mayal, da Universidade de León, e a compañía de teatro USC-Santiago. A compañía lucense tamén ofrecerá ese mesmo día, a partir das 12.00, unha función teatral para escolares.

A formación ourensá, dirixida por Fernando Dacosta, presentará o día 14 a obra Imperator. O grupo leonés Teatro El Mayal presentará en Lugo o 19 de abril Sweet Jane, unha produción dirixida por Javier R. De la Varga. O día 20, a compañía compostelá que dirixe Roberto Salgueiro pechará a quenda de representacións do Festival de Teatro Universitario coa obra A casa da forza 2, 52 ? 88.

As representacións teatrais comezarán a partir das 20.00 horas e as persoas interesadas en asistir como público xa poden solicitar de balde as entradas, a través do enderezo cultura.lugo@usc.es. Os aforos de cada función estarán determinados pola normativa sociosanitaria vixente e a reserva de entradas poderá facerse ata as 12.00 do día de cada función.

Actos complementarios

O concerto de Verto, unha cita musical programada para o día 21 ás 20.00 horas, que virá precedida dunha breve sesión das marionetas elaboradas no taller impartido por Marga Portomeñe, completan a nova edición do festival, que tamén reserva espazo para a formación a divulgación. O académico de Artes Escénicas e catedrático emérito da Real Escola Superior de Arte Dramática de Madrid, Vicente Fuentes, impartirá do 15 ao 18 o obradoiro Da palabra ao canto, do canto á palabra. As sesións deste curso desenvolveranse na Aula de Teatro e Danza do Campus (Facultade de Veterinaria) de 9.00 a 13.00 e de 15.00 a 18.30. O número de prazas está limitado a 10. Os interesados poden inscribirse en cultura.lugo@usc.es.

Carmen Conde, creadora luguesa: «O dixital é o novo formato de vida»

Laura López
Ensaios de teatro virtuais
Ensaios de teatro virtuais

A directora da Compañía de Teatro USC-Lugo prepara con ensaios virtuais a peza «A emperadora», que esperan estrear en marzo no Festival de Teatro Universitario

O teletraballo chegou tamén ao teatro, que cambiou o escenario pola cámara web, permitindo así que os ensaios continúen. A polifacética creadora luguesa Carme Conde (narradora, actriz, guionista, dramaturga...) tomou as rendas este curso da Compañía de Teatro USC-Lugo, nun contexto completamente novo e complexo; pero iso non foi impedimento para idear novas formas de traballar, adaptadas ás restricións da pandemia. É por iso que, desde hai días, dirixe sesións virtuais cun grupo de oito actores e actrices afeccionados, que «contrarrestan con moita paixón calquera tipo de dificultade». Os ensaios virtuais, grazas ás novas tecnoloxías, están permitindo á compañía teatral do Campus lucense avanzar no traballo de preparación da súa nova montaxe, A emperadora, unha creación propia que prevén estrear a finais de marzo no marco do Festival de Teatro Universitario de Lugo.

Seguir leyendo

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

Unha produción lucense abre o Festival de Teatro Universitario