Toma de posesión dos xefes de Persoal e Medio Ambiente do Concello e Lugo

la voz LUGO

LUGO

Toma de posesión do novo xefe de Medio Ambiente, Julio Torre
Toma de posesión do novo xefe de Medio Ambiente, Julio Torre

Juan Cocho Sahagún e Juan Torre Rodríguez asinaron esta mañá o seu nomeamento ante a alcaldesa

17 feb 2021 . Actualizado a las 14:06 h.

A alcaldesa, Lara Méndez, e a edil de Gobernanza, Paula Alvarellos, recibiron esta mañá de mércores aos novos xefes de servizo das áreas de Persoal e Medio Ambiente do Concello de Lugo, que hoxe tomaron posesión dos seus cargos. «Contamos dende hoxe, pois, con dous efectivos máis, cos que pretendemos fornecer a organización interna da Administración, mellorando o seu funcionamento xa que a incorporación de máis empregados posibilita, por unha banda, dimensionar correctamente dous departamentos nos que existe unha elevada carga de traballo e, pola outra, axilizar a tramitación dos procedementos que xestionan incrementando a eficacia das prestacións á cidadanía», sinalou a rexedora que aproveitou o acto, ademais para darlles a benvida e «desexarlles moita sorte e moito acerto» na andaina que agoran inician.

O novo Xefe de Servizo de Medio Ambiente é Julio Torre Rodríguez. Titulado co grao de Enxeñería Forestal, exercía ata a data como funcionario de carreira na Escala de Técnicos Superiores especializados en OO.PP de Investigación no Centro de Investigacións Enerxéticas, Medioambientais e Tecnolóxicas (CIEMAT). 

Toma de posesión do novo xefe de Persoal, Juan Cocho
Toma de posesión do novo xefe de Persoal, Juan Cocho

Pola súa banda, o Xefe de Servizo de Persoal é Juan Cocho Sahagún, licenciado en Dereito pola Universidade de Valladolid en 1996. Técnico Superior en Xestión Catastral, ocupaba, dende outubro de 2018, o cargo de Subdirector Provincial de Prestacións de Invalidez Permente no Ministerio de Inclusión, Servizos Sociais e Migracións.