Conchita Montenegro presenta un novo e persoal poemario

A poeta e artista lucense estará acompañada de amigos este xoves 3 de decembro no Vello Cárcere

Conchita Montenegro nunha exposición no MIHL
Conchita Montenegro nunha exposición no MIHL

lugo / la voz

Conchita Montenegro sigue en activo e proba diso pódese comprobar no poemaria «Ano MMXX/ Año MMXX» que presentará este xoves no Vello Cárcere, nun acto ás sete da tarde e no que participarán o escritor Toño Núñez, o xornalista Xulio Xiz e a catedrática de Lingua e Literatura Castelá Flor Sánchez.

Montenegro presenta algo máis de sesenta poemas, dos que uns corenta son en galego e o resto en castelá. «Son poemas duros, como a vida mesma, e incluso cun ton de rabia e inconformistas», relata a autora e tamén artista lucense.

Hai varios poemas sobre as súas lembranzas e vivencias persoais pero tamén, como sinala o propio título do libro, hai referencia a este ano «con tanta calamidade, quíxenme poñer na pel da xente que morreu pola covid-19».

O que hai ao longo dos versos deste novo poemario de Montenegro (os anteriores foron «Letexos», «Convulsións» ou «Camaleón») é a súa habitual teima pola liberdade e as inxustizas.

O prólogo do libro é do tamén escritor José Estévez, quen destaca o punto de vista da colectividade desde o que fai Montenegro os seus poemas.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

Conchita Montenegro presenta un novo e persoal poemario