Xogos, obradoiros e túnel do terror animarán o Samaín

A concellería de Cultura de Lugo organiza actividades para os días 30, 31 e 1


Lugo

Días 30, 31 e 1 • O Vello Cárcere e MIHL • Lugo • 

A concelleira de Cultura, Turismo e Promoción da Lingua, Maite Ferreiro, presentou as actividades do Samaín 2020, que incluirá un total de seis propostas que, segundo declarou, «organizamos seguindo coa cultura segura, pensando na seguridade de todas as persoas asistentes». Ferreiro afirmou que «desde a área de Cultura mantemos a nosa aposta pola cultura segura e por reactivar o tecido cultural local», e engadiu que «tamén incluímos accións destinadas a colaborar coa recuperación do comercio local».

O Vello Cárcere e o MIHL acollerán obradoiros para nenos e nenas, mentres as rúas da cidade serán escenario tamén de actividades seguras para toda a familia. O Vello Cárcere acollerá os obradoiros lúdicos «SAMAÍNeANDO no Vello Cárcere: aprende e xoga no Samaín», con grupos de distintas idades durante todo o día 31. Entre as 11.00 e as 12.00 horas terá lugar o obradoiro para nenas e nenos de 8 a 12 anos; de 11.30 a 12.30, para nenas e nenos de 3 a 5 anos, e de 17.45 a 18.45, para nenas e nenas de 6 a 8 anos. A inscrición terá que realizarse por adiantado no teléfono 982 297 446. En canto ao MIHL, organiza obradoiros para nenas e nenos de 4 a 12 anos. O sábado 31 entre as 17.00 e as 19.00 realizaranse máscaras terroríficas, e o domingo 1, á mesma hora, exploraranse as cores do Samaín.

Santa Compaña

A Santa Compaña pasará polas rúas de Lugo o venres 30 e o sábado 31 polo recinto histórico, entre as 20.00 e as 21.30 horas, e a Canella do Hospital acollerá un túnel do terror para público familiar o venres 30 e o sábado 31 entre as 10.00 e as 21.00.

A área de Cultura organiza tamén un concurso de disfraces e de escaparates, cuxas bases se poden consultar na web do Concello.

Ocio para valentes, pero con seguridade

La Voz

O Concello organiza obradoiros, contacontos, masterclass e un rastrexo nocturno entre o 24 de outubro e o 1 de novembro con motivo do Samaín

A área de Xuventude do Concello de Lugo presentou o programa de actividades deste Samaín, con alternativas de ocio «de medo», pero con todas as garantías de seguridades. As actividades son gratuítas e en todas elas é obrigatorio o uso da máscara.

A concelleira de Xuventude, Ana Abelleira, presentou as actividades e convidou á mocidade lucense a participar nelas: «Neste atípico 2020 queremos ofrecer aos máis novos unha programación diferente, de calidade e con todas as garantías de seguridade. Aínda que o concepto varíe con respecto aos pasados anos, estamos seguros de que será do agrado de todos», engadiu.

Seguir leyendo

 

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

Xogos, obradoiros e túnel do terror animarán o Samaín