O escritor foi lembrado cunha ofrenda floral
08 sep 2020 . Actualizado a las 21:39 h.No cemiterio de Outeiro de Rei celebrouse, na tarde deste martes, a homenaxe anual a Manuel María na data da súa morte, hai 16 anos. Houbo unha ofrenda floral, e logo, entrega dunha peza do escultor Valdi ao coordinador de Xermolos, Alfonso Blanco, que se gardará na Casa das Palabras de Guitiriz. A lembranza estivo organizada pola Asociación Cultural Xermolos e pola Irmandade Manuel María.
Este ano, pola pandemia, o programa foi máis reducido. Non houbo xantar de irmandade nin recital poético. Tampouco se fixo o rito da navalla no campo de Santa Isabel, onde unha persoa recibe doutra unha desas pezas. Manuel María era afeccionado a coleccionar navallas.