A iniciativa #CoidemosLugo convoca a súa primeira acción para este venres

Para participar é preciso contactar cos seus promotores, Salva Arco e Guido Álvarez, xa que o número de participantes é limitado

Guido Álvarez e Salva Arco anunciaron a primeira campaña cun vídeo promocional
Guido Álvarez e Salva Arco anunciaron a primeira campaña cun vídeo promocional

lugo

Dúas semanas despois de lanzar a iniciativa #CoidemosLugo,o capitán do C.B. Breogán, Salva Arco, e o guía turístico Guido Álvarez lanzan un vídeo para convocar a primeira acción social do movemento. A data escollida para a súa realización foi este venres, día 28, ás 16.00 horas. Para participar no proxecto, é preciso poñerse en contacto co propio Guido ou escribirlles tanto a el como a Salva por redes sociais, posto que nesta primeira brigada de limpeza só poderán botar unha man 25 persoas.

A idea xorde despois de que, hai uns días, o guía municipal atopase no barrio do Carme un vertedoiro ilegal e algunhas zonas do muro, que son Patrimonio da Humanidade dende 2018, derrubadas. A campaña, á que se sumou o líder do equipo de baloncesto lugués, pretende «corrixir este tipo de desfeitas» e concienciar á veciñanza da necesidade de preservar o patrimonio local. A acción deste venres consistirá en acicalar e adecentar a superficie danada. Dende a organización agradecen o soporte e a colaboración do executivo municipal.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

A iniciativa #CoidemosLugo convoca a súa primeira acción para este venres