Fonmiñá confía en poder celebrar o festival do 23 ao 28 dese mes, en vez do inicialmente previsto, en setembro
06 ago 2020 . Actualizado a las 14:20 h.O colectivo organizador da Semana de Cine de Lugo, o grupo Fonmiñá, informa que de acordo coas entidades patrocinadoras e colaboradoras, e tendo en conta a evolución da pandemia do covid-19, confían en poder celebrar a edición 42 da Semana de Cine de Lugo do 23 ao 28 de novembro próximos.
«Considerando que as datas iniciais do mes de setembro non ofrecían a seguridade de poder ofrecer aos lucenses un certame con todas as garantías que a normativa e a prudencia establecen, a Semana vaise celebrar ?dependendo sempre da evolución do problema- entre o 23 e o 28 de novembro próximos, agardando para clarificar diversos aspectos da celebración a que a evolución da pandemia sexa como todos desexamos».
Como elemento base da programación da Semana, a organización conta con 1.520 películas, entre longametraxes e curtametraxes, recibidas de practicamente todos os países do mundo, que nutrirán a filmografía desta edición da manifestación cinematográfica lucense.