Arroxo: «A valoración é máis ca positiva, pasamos de 3.000 votos a 10.000»

Lara Méndez pide abrir un período de reflexión para analizar o sucedido


lugo / la voz

Máis aló do trunfo sen paliativos que o Partido Popular viviu na cita electoral do domingo, sobresaen os resultados do BNG, que tanto a nivel autonómico como municipal experimentou un importante pulo que insufla ánimos e forza aos nacionalistas.

«No que respecta ao municipio a valoración é máis ca positiva posto que temos que ter en conta que pasamos dos 3.00 votos no 2016 a máis de 10.000, polo tanto, máis do triple que hai catro anos», resumía onte Rubén Arroxo, líder local do BNG e tenente de alcaldesa dende o ano pasado no concello lucense.

«Estamos moi agradecidos a todas as persoas que confiaron no traballo serio e rigoroso que tratamos de facer sempre dende o BNG e que o demostraran este domingo co seu voto», proseguiu o nacionalista, que recoñeceu que a noite non foi redonda para os seus intereses. «Co único que nos quedamos nesa parte máis amarga é que non se puidese derrotar a maioría absoluta do PP e que non poida haber un cambio político liderado polo BNG, algo que nos permitiría facer un traballo serio, rigoroso e sempre poñendo o noso país no centro de todos os obxectivos», declarou.

A lectura que fan tanto en clave municipal como autonómica dende as filas socialistas é ben distinta. «A tendencia foi similar en Lugo e Galicia, creo que como PSOE tiñamos un proxecto e obxectivo que non acadamos. O obxectivo era ser a alternativa de goberno para poder levar a cabo iniciativas que estamos levando nos concellos, como no de Lugo», dixo Lara Méndez, alcaldesa do municipio.

A rexedora entende que é o momento de mirar cara dentro. «Cómpre abrir un período de reflexión, un debate interno no que se analice pormenorizadamente o porqué desta situación», pediu Méndez, que considera que ese exame de conciencia é o paso previo a «reforzarnos para seguir mantendo o noso obxectivo, que é tentar transformar a sociedade na que viviemos, afianzar o estado de benestar e traballar para que os nosos veciños e veciñas vivan nun lugar con oportunidades que non sexa excluinte. Nun lugar no que non quede ninguén atrás, que é o que tentamos facer dende o Concello de Lugo».

A rexedora felicitou aos populares polo seu trunfo a nivel autonómico e aos nacionalistas polo seu crecemento.

Ramón Carballo: «Cando a militancia do PP se moviliza é invencible»

O voceiro municipal do Partido Popular e presidente da xunta local, Ramón Carballo, analizou en clave local os resultados das eleccións autonómicas subliñando que «alcanzamos o 51% dos apoios, aumentando en catro puntos e medio con respecto aos anteriores comicios autonómicos de 2016». A ollos do concelleiro, isto supón que os veciños valoraron «o compromiso de Feijoo con Lugo nestes últimos 11 anos, e tiveron moi en conta á hora de votar que se cumpriu coa palabra dada xa que as grandes obras que ten a cidade nos últimos vinte anos levan o selo do PP». Nesta liña, fixo mención a infraestruturas como o HULA, o Centro Integral de Saúde do barrio da Residencia, o novo auditorio de Magoi, o novo colexio do Sagrado Corazón ou as melloras do Instituto das Mercedes.

No seu repaso ao domingo, Carballo lembrouse da labor feito por afiliados e simpatizantes «que traballaron durante a xornada electoral para que todo transcurrise con normalidade», apuntando que «cando a militancia do PP se moviliza é invencible. Afortunadamente, os intentos de empañar a votación e as chamadas para frear a participación non fixeron efecto», engadiu.

Baixo o prisma do líder popular no concello de Lugo, a cuarta maioría de Feijoo «é moi positiva para afrontar os novos retos económicos e sanitarios que temos por diante». En todo caso, entende que tampouco é un momento de festexos, senón de seguir traballando. «Agora non é momento de celebracións xa que ainda hai moitos lucenses que o están pasando mal, é momento de seguir traballando».

Ramón Carballo declarou a súa «tranquilidade porque ao fronte do goberno de Galicia estará unha persoa que sabe xestionar e que ten un amor inmenso por Galicia».

Los populares arrasan con la marca Feijoo en un concello gobernado por la izquierda

LORENA G.C.
La noche electoral fue una fiesta en la sede del PP de Lugo por los buenos resultados obtenidos. En esta foto se ve a Elena Candia, fotografiada con parte del equipo de campaña que trabajó con ella en estas elecciones, del que también forma parte el alcalde de Friol y Fernando Rois.
La noche electoral fue una fiesta en la sede del PP de Lugo por los buenos resultados obtenidos. En esta foto se ve a Elena Candia, fotografiada con parte del equipo de campaña que trabajó con ella en estas elecciones, del que también forma parte el alcalde de Friol y Fernando Rois.

Obtuvieron uno de cada dos votos en un municipio en el que los nacionalistas dieron el sorpasso al PSOE

La marca Feijoo arrasó en el concello de Lugo, un municipio que desde el cambio de milenio ha encadenado un alcalde socialista tras otro, y que desde el año pasado está gobernado por la izquierda gracias a un acuerdo entre el PSOE y el BNG. La candidatura popular, que lideraba a nivel provincial Elena Candia, obtuvo casi el 51 % de los votos totales en una jornada marcada por el ascenso del Bloque Nacionalista Galego, la bajada socialista y la abstención, que se situó en un 42 %.

Los datos hablan por sí solos. La victoria del PP fue incontestable hasta el punto de que recibió la confianza de la mitad de los votantes, con 22.657 papeletas emitidas a su favor. Cuatro años antes había firmado el 46,7 % del voto emitido, situándose en los 22.961 y superando también con mucha holgura a sus competidores. Por entonces, En Marea era la segunda fuerza más votada en la ciudad (10.159 votos, el 20 % del total), por delante de socialistas y nacionalistas.

Seguir leyendo

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
11 votos
Comentarios

Arroxo: «A valoración é máis ca positiva, pasamos de 3.000 votos a 10.000»