A Rede Museística lanza a revista «Museal», aberta á participación cidadá

A iniciativa propón artigos curtos sobre museos de todo o mundo


Lugo

A Rede Museística da Deputación de Lugo continúa co programa cultural «Museal: a vacina que inmuniza», para facer máis levadeira a corentena a todo tipo de públicos e tamén para continuar co seu labor de educación e difusión dos contidos dos museos provinciais.

Estas actividades virtuais, coordinadas pola xerente da Rede, Encarna Lago, estrutúranse nas Musavisitas dialogadas, no Álbum da Memoria Compartida e no «Crea o teu museo», actividades ás que hai que engadir un Plan de Formación «on-line» dirixido ao persoal da Rede Museística.

Ademais, desde onte, a Rede puxo en marcha a revista Museal, na que convidan a todas as persoas interesadas a escribir un artigo curto sobre algún dos museos que visitaron polo mundo. Escritos de Paco Martín e Antonio Reigosa xa figuran na publicación, que pode consultarse no enlace http://redemuseisticalugo.org/documentos.asp?mat=180.

Ao mesmo tempo, e continuando co Plan de Formación dirixido ao persoal da Rede, no que participan relatores de diferentes museos e universidades de todo o mundo, mañá martes, ás 10:30 horas, intervirá Teresa Soldevila, responsable da Área de Responsabilidad Social do Museo Marítimo de Barcelona, que falará sobre «La responsabilidad social de los museos».

 

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
1 votos
Comentarios

A Rede Museística lanza a revista «Museal», aberta á participación cidadá