Cultura retira a vexetación da Muralla para que luza durante o Arde Lucus

Balseiro critica que o Concello tardase sete meses en darlle licenza para actuar


A Consellería de Cultura e Turismo está a desenvolver un programa de mantemento do adarve da Muralla que inclúe a retirada da vexetación existente no paseo central e no chan dos cubos de cara á celebración da festa do Arde Lucus. O delegado territorial da Xunta, José Manuel Balseiro, explicou que a intención é garantir o bo estado deste espazo, que toma gran protagonismo nesta cita festiva. Cultura autorizou unha marcha nocturna o 14 de xuño, polo que tamén se reforzará o control sobre a iluminación. Operarios da concesionaria das obras de conservación -Resconsa- executarán as tarefas de limpeza manual do adarve e de comprobación da iluminación, entre outros labores de mantemento.

Limpeza vexetal dos lenzos

Por outra banda, Balseiro criticou a tardanza do Concello en outorgar a licenza municipal para as obras de conservación e mantemento do monumento, incluída a aplicación de herbicidas para controlar a xerminación de especies vexetais. Dixo que que o Concello non aprobase esta licenza ata o pasado 2 de maio, impide que a Xunta acometa a aplicación dos herbicidas sobre os paramentos daMmuralla debido á presenza dos cirrios; estas aves migratorias aniñan na Muralla habitualmente dende o mes de abril e ata finais do verán.

Balseiro dixo que a Xunta solicitou a licenza de obras o 28 de agosto de 2018, non foi ata sete meses despois que o Concello fixo un requirimento do documentación adicional, con data 28 de marzo de 2018 e non foi ata nove meses despois da solicitude inicial que o Concello deu a autorización oportuna.

Tamén, en relación con este mesmo asunto, a Xunta avanzou que, en colaboración coa USC, ten previsto poñer en marcha -unha vez que marchen os cirros- a terceira fase do plan experimental para o control da xerminación nos lenzos da muralla mediante produtos herbicidas naturais.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
1 votos
Comentarios

Cultura retira a vexetación da Muralla para que luza durante o Arde Lucus