Unidas-Podemos acusa aos recortes do PP o atraso de Lugo

Presentan as candidaturas coas que concorren ás eleccións do 28 de abril


En Comun-Unidas Podemos presentou esta tarde en Lugo a súas candidaturas ao Congreso e ao Senado, que teñen como cabezas de lista a Vanessa Somoza e Nery Díaz. No acto participaron candidatas do resto de Galicia, como Ángela Rodríguez, Gómez Reino e Yolanda Díaz. Nery Díaz abriu o acto para sinalar que En Común nace «para crear unha sociedade mellor, con proxectos de esquerda e de protección do medio ambiente. Creo firmemente nos colectivos que queren contribuír no ben común dende a solidariedade e o feminismo, por un horizonte vermello e verde». Logo interveu o responsable de Podemos en Lugo, Josito Pérez, quen destacou a perda dos servizos educativos e sanitarios «tralos recortes do PP, co que Lugo é unha provincia que perdeu nos últimos anos 25.000 habitantes, pecharon empresas, e cada vez se fai máis difícil vivir aquí».

Somoza resaltou a importancia destas eleccións para «deter a auxe dunha extrema dereita á que temos que parar os pés». Sinalou que en Lugo «somos o terceiro municipio galego con máis pobreza ancorada, é dicir, onde non se pode saír. Todo isto temos que mudalo, derogando as reformas laborais e por medio de leis que melloren a vida das persoas, porque se pode facer. Só falta vontade».

Tanto Gómez Reino como Yolanda Díaz destacaron que optar a gobernar para «crear un futuro no que teñan cabida as maiorías sociais».

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

Unidas-Podemos acusa aos recortes do PP o atraso de Lugo