As escuras no parque de Paradai a pesar das luminarias

Rubén Arroxo, voceiro do BNG, denuncia que a instalación está feita dende o 2012 e que non se pon a funcionar


LUGO / LA VOZ

O BNG quere a «inmediata posta en marcha» do alumeado público do paseo do Rato, na zona de Paradai. O voceiro da formación nacionalista, Rubén Arroxo, indicou que a zona que carece de iluminación está situada nas inmediacións dos hortos urbanos, «a pesares de que hai farolas e luminarias instaladas e conectadas á rede dende o ano 2012 aproximadamente». Denuncia o candidato a alcaldía que «fíxose o gasto de instalacións das farolas, pero agora non dan servizo pola falta de xestión».

Arroxo sinalou que a zona foi urbanizada hai sete anos e a falta de iluminación provoca incomodidades e inseguridade na veciñanza que vive na zona, especialmente as veciñas e veciños da rúa Camiño da Roca que atravesan polo propio parque Paradai para acudir ás súas vivendas por ser o camiño máis curto.

«Instalouse iluminación en todo o paseo do Rato e onde hai instalación feita non se pon a funcionar», argumentaba o voceiro do Bloque. Para o BNG os investimentos públicos teñen que dar servizo ás persoas e non servir únicamente para derivar cartos.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
8 votos
Comentarios

As escuras no parque de Paradai a pesar das luminarias