A formación trasladará unha proposta ao goberno municipal para que se executen as actuacións
26 ene 2019 . Actualizado a las 13:23 h.O BNG quere humanizar a beirarrúa onde se retirou o muro da Avenida da Coruña. Hai queixas veciñais porque o espazo que quedou despois é utilizado, a miudo, para estacionar vehículos. «Instalar xardineiras e uns bancos é a solución óptima para evitar que se convirta nun aparcadoiro de vehículos», explicou Rubén Arroxo.
O voceiro da formación nacionalista trasladará unha proposta ao goberno municipal para que se executen as actuacións no espacio resultante. Arroxo lembrou o tedioso proceso que o Concello seguiu para o derribo do muro que invadía parte da beirarrúa e sinalou que «claramente foi un éxito de perseverancia veciñal que se recuperase este espazo para as persoas».
«A actuación que propoñemos ten un baixo coste, unha fácil execución e unha importante repercusión social» porque «coa colocación duns bancos e unhas xardineiras evitarase que o espazo reservado ás persoas sexa invadido polos vehículos».
O Concello xa as mercou
O Concello de Lugo xa ten mercadas as xardineiras e os bancos, tal e como anunciou a alcaldesa Lara Méndez días atrás. Só falta a súa colocación.