Otero Canto presenta o seu premiado poemario

LUGO

ALBERTO LÓPEZ

Acadou o galardón do primero certame de poesía galega da Editorial Cuestión de Belleza

23 oct 2018 . Actualizado a las 22:38 h.

O serán deste martes, na Librería Trama presentouse o libro «Sinódica luz», co que Xosé Otero Canto acadou o primeiro premio da Editorial Cuestión de Belleza en Ourense. Interviron na presentación, ademais do autor, Arturo Camba, editor; Xosé Luís Vázquez Somoza, Xulio Xiz e o clarinetista David Rodríguez Ramos.

O xurado do primeiro Certame Poesía Galega ? Editorial Cuestión de Belleza decidiu outorgar o Primeiro Premio ao poemario «Sinódica Luz», obra do poeta chairego  Xosé Otero Canto, pola orixinal e prismática ollada as luces máis íntimas do ser humano, as súas emocións, contrastadas coa máis ameazante e globalizadora escuridade exterior. Unha visión de inmensa forza expresiva, a través dunha maxistral, e persoal, riqueza léxica que acada un profundo lirismo. Unha obra de beleza global.

ALBERTO LÓPEZ