Trece grupos de música tradicional animarán o Domingo das Mozas

«É a única mostra deste tipo que se fai nunhas festas patronais», sinalan os organizadores


A Asociación de Gaiteiros Galegos organiza de novo a que será a vinte edición da Mostra de Música Tradicional do Domingo das

Mozas, un festival que contará coas actuacións de 13 grupos de música tradicional galega, que encherán da nosa música o casco vello da cidade no día máis emblemático das festas patronais.

Os grupos participantes na mostra actuarán en horario de mañá e de tarde en distintas portas da Muralla, prazas e rúas, de tal maneira que toda a xente que entre na cidade sexa recibido co son da música tradicional. Os participantes son: Abertal (A Rúa), A Volta do Agro (Lugo), Arume (Boiro), Banda de Gaitas Sons da Chaira (Terra Chá), Caivanca (Lugo), Cántigas e Frores (Lugo), Folquiada (Lugo), Lagharteiras (Mos), Os Campantes da Baña (A Baña), Os de Algures (Pontevedra), Raparigos (Ferrol), Reviravolta (Lugo) e Xaora (Lugo).

Pola mañá, os 13 grupos sairán dende a Praza de Santa María ás 11.30 horas facendo un pasarrúas polas distintas rúas do centro urbano amurallado, ata as 14.00 horas. Pola tarde repetiranse as actuacións a partir das 17.30 horas, para logo rematar ás 19.00 horas

Esta mostra, na que a Asociación de Gaiteiros Galegos xunta ano tras ano aos mellores grupos de gaitas de Galicia, ten como finalidade a exaltación da música tradicional galega «servindo como medio de difusión para que a nosa música chegue ao maior número de xente posible», sinalan os organizadores, que destaca que é a única mostra deste tipo que se fai nunhas festas patronais «e consegue que Lugo sexa referencia en toda Galicia, pois demostra que a nosa música tradicional pode ser a protagonista da festa na rúa»

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

Trece grupos de música tradicional animarán o Domingo das Mozas