Vintecinco artesáns ofrecen produtos de calidade no Artesanfroilán

Ata o 14 de outubro poderanse ver pezas de 25 artesáns de calidade


Artesanfroilán abriu as portas nunha carpa detrás do Concello a súa décimo novena mostra, que promove a Deputación, que reúne ata o 14 de outubro as creacións de 25 artesáns de toda Galicia. Esta feira xa está consolidada nas patronais e actúa de escaparate de luxo da artesanía da provincia. A Deputación elixiu aos artesáns atendendo a criterios de calidade, innovación e antigüidade na condición de artesán.

Nos postos poderanse adquirir produtos de coitelería, cerámica, madeira e marroquinería, entre outros. A mostra ten lugar baixo unha carpa cuberta instalada na Praza Anxo Fernández Gómez, en horario de 11.00 a 14.00 horas e de 17.00 a 21.00 horas, e contará cun posto de información.

Para a selección dos 25 artesáns puntuouse favorablemente a calidade e coherencia no uso de técnicas, tecnoloxías, materiais, cores e todos os compoñentes do proceso de elaboración das pezas. Ademais valorouse a utilización de materias primas autóctonas; pezas que permitan unha fácil interpretación e ligazón co territorio; ou a innovación tanto nos procesos e materiais empregados como no uso das tecnoloxías de información. Tamén se tivo en conta a antigüidade da Carta de Artesá e se o obradoiro está inscrito no Rexistro Xeral de Artesanía de Galicia.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

Vintecinco artesáns ofrecen produtos de calidade no Artesanfroilán