Aumentan as visitas á Domus do Mitreo, con máis de 3.000 en agosto

Desde a súa apertura en maio como museo universitario, de pago e con horario ampliado, recibiu a case 8.000 persoas


Lugo / La Voz

Máis de 3.000 persoas visitaron o Museo Universitario A Domus do Mitreo no mes de agosto, o que supón un incremento da afluencia de máis do 35% con respecto ao mesmo período do ano 2017. O balance de visitas deuno a coñecer onte a USC, que se encarga en exclusiva desde maio da Domus do Mitreo. De feito, desde a apertura do centro como museo universitario, van case 8.000 visitas contabilizadas.

A USC cualifica de «afluencia récord» a rexistrada en agosto, 3.175 persoas, fronte ás 2.320 que se achegaran en agosto do ano pasado. O centro mitraico lugués, ademais de ser xestionado pola Universidade, estreou outros cambios en maio, como a ampliación do horario de apertura e a implantación de taxas de entrada.

De feito, na actualidade está aberto de martes a sábado, de 11.00 a 14.00 e de 17.00 a 20.00 horas, e os domingos de 11.00 a 14.00 horas. No verán, as visitas en quenda de tarde amplíanse ata as 21.00 horas. Tamén permanecerá aberto durante as festas do San Froilán e o 1 de novembro.

As estatísticas de visitantes da Domus do Mitreo revelan tamén unha salientable presenza de público estranxeiro, un colectivo que no mes de agosto superou as 300 persoas, arredor do 10% do público rexistrado.

Dos visitantes foráneos contabilizados neste período, 237 procedían de países europeos, 66 do continente americano e 4 doutros lugares.

Respecto da procedencia dos 2.868 visitantes nacionais de agosto, 271 eran da cidade de Lugo, 67 doutros puntos da provincia, 292 doutros lugares de Galicia, e 2.238 doutras comunidades autónomas.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

Aumentan as visitas á Domus do Mitreo, con máis de 3.000 en agosto