O BNG restaura a placa que lembra a visita de Lorca a Lugo

Fora colocada no ano 2006 e arrincada máis tarde, sen que o Concello se restituira


O BNG levou adiante un acto para repoñer a placa que homenaxeaba a visita de Federico García Lorca a Lugo, facéndoo ademais dentro da semana do orgullo LGTBI, a xeito de lembranza tamén da represión que sufriu este colectivo durante a ditadura Franquista. A edila Maite Ferreiro pediu unha vez máis a reposición da placa conmemorativa que fora instalada na praza de Pío XII en Lugo en outubro do ano 2006: «Quixemos lembrar desta forma a figura dun mestre das letras que foi asasinado entre outras cuestións pola súa condición sexual», afirmou Maite Ferreiro. Foi o 28 de outubro de 1916, cando Federico García Lorca tiña 18 anos, chegou por primeira vez a Lugo xunto con outros catro compañeiros da Universidade de Granada e emprendeu unha excursión de arte por diversas vilas e cidades galegas. Novamente en novembro de 1932 García Lorca visitou Lugo para impartir unha conferencia no Comité de Cooperación Intelectual. 

A colocación da placa conmemorativa fora iniciativa do Foro pola Memoria Republicana de Galicia e o Concello de Lugo, que aproveitaron a conmemoración dos 90 anos da primeira visita realizada polo poeta granadino á cidade de Lugo para celebrar unha serie de actos e instalar a placa na praza de Pío XII, pero ao pouco tempo foi arrincada, sen que se repuxera, ata que desde o BNG se encargaron de lembrar a pegada de Lorca na cidade e ás persoas que sufriron pola súa opción sexual.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
1 votos
Comentarios

O BNG restaura a placa que lembra a visita de Lorca a Lugo