Becerro ao espeto, a gran cita da noite de San Xoán en Lugo

Repartiranse 3.500 racións de tenreira galega, haberá música folk e verbena e unha fogueira a partir da media noite do sábado

.

Un ano máis, de van xa 18, o barrio lucense da Piringalla volverá a ser un punto de encontro na noite de San Xoán en Lugo grazas á Festa do Becerro ao Espeto, que volverá a unir gastronomía, música e lume.

Os actos desta celebración foron presentados no Concello pola alcaldesa de Lugo, Lara Méndez; o presidente da Deputación, Darío Campos; e os presidentes da Asociación Veciñal e Cultural San Isidro da Piringalla, o da Asociación

de Veciños, Comerciantes e Industriais da Milagrosa e o de Acruga, Ricardo Varela, Jesús Vázquez e César Dorado. Os acto arrincarán as 21.15 horas, na Praza Frai Xosé Gómez, entre as rúas Santo Graal e Mar Cantábrico.

Concello e Deputación apoian esta cita, «que contribúe a dinamizar o municipio, potenciando, por un lado, un produto autóctono, e por outro, fomentando a economía da zona norte da cidade, ao tempo que se potencian os espazos de convivencia.

No acto, ao que asistiron uns vinte de veciños da zona, Méndez agradeceulle ao movemento asociativo organizativo e, polo tanto, ao colectivo veciñal, o maior potencial do municipio, o seu traballo, tanto por levar a cabo un ano máis esta festa, como por implicarse en facer cidade e en dinamizar Lugo.

Así mesmo animou á cidadanía a achegarse á Piringalla con esta cita que pon en valor o sector primario.

Uns 8.000 veciños

Pola súa parte, o presidente da Deputación apuntou que «é un pracer colaborar con esta cita gastronómica, totalmente consolidada. Facémolo cunha achega económica de 3.000 euros, dentro da liña de promoción do sector primario e dos produtos autóctonos, o que nos converte na principal administración colaboradora con esta cita gastronómica, na que se conta que participen máis de 8.000 veciños e

veciños». Neste senso, Campos Conde recoñeceu a «enorme labor» das asociacións organizadoras «que dan mostra do bo facer dos lucenses».

Por la súa parte, o presidente de Acruga, César Dorado, amosou a súa satisfacción de doar un becerro ao pobo de Lugo para gozar desta festa, tan consolidada no calendario lugués. Pola súa banda, Jesús Vázquez agradeceu a colaboración da Deputación, do Concello e de Acruga que fan posible desenvolver esta feira, que agarda reunir este ano a unhas 8.000 persoas.

3.500 racións e música

Na décimo oitava edición da Festa do Becerro ao Espeto, tal e como explicou Ricardo Varela, repartiranse 3.500 racións de dous becerros de raza autóctona (Tenreira Galega) entre todas as persoas que se acheguen a Frai Xosé Gómez.

Esta degustación gratuíta da mellor carne de Galicia tamén irá acompañada con pementos e pan, e de beber, cervexa, viño e refrescos. Para os máis cativos e cativas os organizadores ofrecerán pizza. Ademais haberá unha verbena a cargo do Grupo Bumerang e unha fogueira de San Xoán, a partir das 12 da noite. Para quentar motores, dende as 20.30 horas, actuará o grupo folk Xesta Verde. Tamén haberá un sorteo dun total de 350 euros en premios.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

Becerro ao espeto, a gran cita da noite de San Xoán en Lugo