«Hoxe presentarei a renuncia de 29 militantes socialistas de Becerreá»

A ata agora secretaria local do PSOE en Becerreá lamenta que a dirección do partido non acudise á vila para explicar aos militantes que pensaban

.

Darya Fernández pon fin a dez anos de secretaria xeral do PSOE de Becerreá, cargo que ocupaba desde que cumprira os 18 anos. Antes xa antes formara parte das Xuventudes Socialistas.

?Como está a vivir a marcha do PSOE?

?Pois é todo moi decepcionante e triste, pero non podemos seguir sendo deste PSOE porque por riba de todo apoiamos a Martínez, unha persoa honesta e honrada. Pintouse unha idea de que é un ogro.

?Cantos militantes de Becerreá se dan de baixa do PSOE?

?Hai tres anos, cando comezou todo o conflito, había uns 50 militantes do PSOE, pero xa naquel momento houbo baixas porque estaban moi molestos co que pasara. Moitos querían marchar, pero o propio Manolo nos dicía que esperáramos. Nos últimos tempos había 34 militantes, pero hoxe teño pensado entregar a documentación para a renuncia de 29 deles.

?Acábase unha etapa...

?Si, pero ser socialista non significa ter un carné. Nós seguimos pensando que somos os socialistas de Becerreá. E que aquí houbo unha obsesión e unha persecución co noso alcalde, ao cal non é que o apoiemos como algo persoal, senón por conviccións socialistas. Ademais, desde a dirección do partido en Lugo nunca viñeron aquí a preguntarnos que nos parecía a situación. Somos algo máis que xente que paga as cotas dun partido.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
2 votos
Comentarios

«Hoxe presentarei a renuncia de 29 militantes socialistas de Becerreá»