Ocio medioambiental de balde para toda a familia

O deputado de Medio Ambiente, Argelio Fernández Queipo, presentou a nova programación de actividades medioambientais de balde que ofrece a Deputación de Lugo para o segundo trimestre do ano. Trátase de 17 actividades de todo tipo (obradoiros, xornadas, conferencias...) que se levarán a cabo no Centro de Interpretación Terras do Miño, que está situado no paseo do Río Rato, en Lugo. Poderán participar máis de 430 persoas de todas as idades.

Os interesados en participar poden inscribirse na web www.deputacionlugo.gal ou no teléfono 982 227 812.

A programación de actividades é a seguinte:

ABRIL

· Días 7 e 8. Curso de fotografía. «Percibimos a natureza», actividade para adultos, de 10.00 a 14.00 o sábado e de 11.30 a 14.30 o domingo. 24 prazas.

· 14 e 19. O malteado dos cereais para a elaboración de cervexa artesá, actividade para adultos, de 10.00 a 14.00 o sábado, e de 19.00 a 21.00 o xoves. 48 prazas.

· 21. Limpeza solidaria dos bosques, actividade para adultos, de 10.00 a 13.30. 30 prazas.

· 21. Cultivando plantas en testos. «Elixindo os substratos e aprendendo a regar», actividade para adultos, de 10.00 a 14.00. 20 prazas.

· 28. Introdución ao enxerto, unha actividade para adultos, de 10.00 a 14.00 horas. 20 prazas.

MAIO

· Días 3-12. O malteado dos cereais para a elaboración de cervexa artesá, actividade para adultos, de 19.00 a 21.00 o xoves, e de 11.00 a 14.00 o sábado. 48 prazas.

· 5. Coidando a nutrición das plantas. «Aprendendo a fertilizar», actividade para adultos, de 10.00 a 14.00. 20 prazas.

· 19. A curuxa, Ave do ano 2018 na Reserva da Biosfera Terras do Miño, actividade familiar, de 10.00 a 14.00. 20 prazas.

· 26. Obradoiro de hotel de insectos, actividade familiar, de 10.00 a 14.00. 20 prazas.

XUÑO

· Día 2. Xornada-Obradoiro. «Natureza próxima», actividade infantil, de 10.00 a 14.00. 20 prazas.

· 5. Conferencia con motivo do Día Mundial do Medio Ambiente. «Que facer ante a expansión silenciosa das Especies Exóticas Invasoras?», actividade para todos os públicos, de 10.00 a 14.00. 40 prazas.

· 9. Libeliñas da Reserva da Biosfera Terras do Miño, actividade familiar, de 19.30 a 21.00. 20 prazas.

· 23. Xornada-Obradoiro. «Pesca e embarcacións nos ríos galegos», actividade infantil, de 10.00 a 14.00. 20 prazas.

· 25. Arxila Polimérica: recuperando a imaxinación, actividade infantil, de 10.00 a 14.00. 15 prazas.

· 26. Arxila Polimérica: xogando no verán, actividade infantil, de 10.00 a 14.00. 15 prazas.

· 27. Arxila Polimérica: baixo a carpa, actividade infantil, de 10.00 a 14.00. 15 prazas.

· 28 e 29. Xornada-Obradoiro. «Os castros. Vida dos nosos devanceiros», actividade infantil, de 10.00 a 14.00. 20 prazas.

· 30. A linguaxe das nubes, actividade familiar, de 10.00 a 14.00. 20 prazas.

---

---

---