Distribuirá este sábado 500 láminas nos museos da rede provincial e na Capela de Santa María
23 feb 2018 . Actualizado a las 18:05 h.O goberno da Deputación pon en valor a figura de Rosalía de Castro regalando poemas e rosas este sábado, con motivo do 181 aniversario do nacemento da autora de «Cantares Gallegos». Trátase da iniciativa do Executivo Provincial na que se entregarán agasallos, totalmente gratis, aos visitantes dos 4 museos da provincia, Museo Provincial, en Lugo; Pazo de Tor, en Monforte de Lemos; Museo-Fortaleza de San Paio de Narla, en Friol; e Museo Provincial do Mar, en Cervo; así como aos da Capela de Santa María e aos de o Pazo de San Marcos. Ademais, durante a xornada, tamén obsequiarase a todas as persoas que se acheguen ao stand da Rede Museística da Deputación na Feira de arte emerxente JustMad9 de Madrid
A deputada de Cultura, Pilar García Porto destacou que «esta iniciativa está enmarcada dentro da aposta do goberno provincial por fomentar a lectura e o coñecemento das obras de Rosalía de Castro na cidadanía, ao tempo que impulsamos o seu pensamento e o seu importantísimo legado cultural. Foi un exemplo de liberdade para todas as mulleres e un referente de compromiso coa identidade e lingua galega».
En total, o organismo provincial entregará 500 láminas co poema «Has de Canta»r da artista galega, e unha rosa. A ilustración de Rosalía de Castro é de Helena Karenina e pertence á colección da exposición «Imaxinando Cantares Gallegos», do Centro de Artesanía e Deseño da Deputación.