«Ezequiel Mosquera: «Nos Ancares non ven o potencial que ten o porto»

O exciclista galego pon como exemplo de promoción turística e deportiva a subida ciclista ao Ézaro

.

lugo / la voz

Ezequiel Mosquera (Teo, 1975) foi un dos «culpables» de que se dera a coñecer o Porto de Ancares, onde se chegou a celebrar un desafío que levaba o seu nome e que xa non se disputa por falta de interese institucional e empresarial. Incluso, foi nos Ancares onde naceu, xunto con dous bos amigos, a empresa Eme Sports, coa que organiza probas deportivas. Agora que se sabe que o porto pertence a Lugo, Mosquera espera que este feito sirva para darlle un revulsivo.

-Cando coñeceu o Porto de Ancares?

-Tiven a sorte de ter uns pais moi viaxeiros e leváronme de neno e esas lembranzas quedan marcadas pola maxia das montañas. Xa de adulto viaxei pola admiración que me espertaba a xente que vivía nunha zona tan illada durante séculos. Iso tamén axudou a que sexa unha zona aínda por descubrir a nivel turístico, está pouco explotada e para o ciclismo é un verxel, porque hai moitas montañas e ademais hai pouco tráfico. Creo que a comarca segue a ser unha gran descoñecida.

-O Porto de Ancares non calou como outra cimas en España, como o Angliru, por estar lonxe de cidades?

-Iso tamén o pensaba eu, pero a resposta da xente que houbo nas etapas do 2012 e do 2014 foi masiva. Nun lugar onde aparentemente non hai nada, estaba abarrotado de público. Sorprendeume. Hoxe pódese chegar en menos de dúas horas desde Lugo ou Ponferrada, e Santiago a tres. É máis un problema de querer apostar por este porto.

-Pois é unha mágoa porque ten perfís propios dunha etapa Tour ou Giro.

-Pódense facer encadeados de portos coma as etapas máis duras do Giro e do Tour, pero a diferenza destas voltas, non hai puntos de poboación fortes economicamente que sosteñan o custe dunha etapa nos Ancares. Por exemplo, creo que en Piornedo debería acabar si ou si unha etapa. A xente que veu no 2014, incluídos galegos, quedaron flipados con Piornedo, un lugar que é parte da nosa historia.

-Quizais que non se soubese se era de Lugo ou de León influíu.

-E que sempre foi de Galicia, incluso o libro de ruta de La Vuelta así o reflectía. O Porto de Ancares ten catro vertentes moi duras, pero a única que é cen por cen galega é precisamente a de Pan de Zarco, esa lingua que chega ata o alto do cumio. Pero na etapa do 2014, no podio estaba o alcalde de Candín e o presidente da Deputación de León. Ao alcalde de Navia non o invitaron. Eu ía coa Radio Galega de comentarista e paramos na cabana de Pan de Zarco onde estaba o alcalde de Navia facendo churrasco cuns amigos e ofrecémoslle unha invitación. Dixémoslle: ‘Non deixes que che quiten o porto Manuel, que é teu, todo teu’. Sempre foi lucense, díxenos en antena ese día e a xente de alí sempre o tivo claro.

-Agora hai unha oportunidade.

-Propuxen aos concellos da zona facer algo, pero creo que falta cultura deportiva, non ven o potencial real que ten esta zona. Por exemplo, en Dumbría, co fenómeno do Ézaro, si viron claro que teñen petróleo. ¡E mira que Ézaro queda lonxe! Agora a subida ao Ézaro vai participar nunha liga mundial de 21 probas World Series e vaise presentar este mes en Fitur. Tiveron claro que ‘que se aquí non ven La Vuelta, imos a seguir nós’. Pasaron de ter na Oficina de Turismo unhas 2.000 visitas no 2012 a 60.000 no 2017. E que veña a Ancares La Vuelta só será se alguén por diñeiro.

-A nivel ciclista, con que porto o asemella máis?

-Ata arriba de todo só está un pouco por debaixo do Angliru. Ancares ten un 9,3% de media e o asturiano chega ao 9,8%. Si que se asemella ao Mortirolo, salvo uns 500 metros dun falso chan que hai ao pasar Pan de Zarco. Porto de Ancares é terrible. Sempre lembro a visión que hai na estrada cando se estreita e ves ese peñasco que parece irreal.

-Que opinión ten o pelotón internacional sobre o porto.

-Os ciclistas fliparon coa dureza e máis cando foi final de La Vuelta. Salvo os catro primeiros da etapa, alí caeron minutadas.

«O alcalde de Navia non foi invitado pola Vuelta e nós dicíamoslle: ‘Non deixes que che quiten o porto, que é teu’»

Navia de Suarna, un diamante en bruto para ser capital del cicloturismo

Miguel Hortas
.

El bloguero y aficionado al ciclismo Miguel Hortas reflexiona sobre el potencial de la comarca de Os Ancares

Navia de Suarna es un diamante en bruto para el cicloturismo, aglutina enormes posibilidades en cuanto a rutas y variedad de puertos, del centro del pueblo ya arrancan varios como: Louxas, Campo das Laviadas, alto del Restelo y otros como Chao de Arqueira, Valdeferreiros, Sierra Morela, Sete Carballos y alguno más en las inmediaciones. Ademas con el aliciente del gran coloso como es Ancares por Pan do Zarco (sin desdeñar sus otras vertientes, siendo la más bonita la de Piornedo). Todos los puertos ademas son de paso, así que se puede enlazar rutas hacia A Fonsagrada y Oscos, hacia Asturias y Muniellos, hacia los Ancares leoneses e incluso hacia O Cebreiro. Las posibilidades son inmensas. Todo ello por paisajes y carreteras preciosas que parecen hechas para el cicloturismo. A lo cual le añadiría un intangible: la increíble soledad de estos parajes que hace que la calma y el disfrute se acentúe ya que cruzarte tráfico se convierte en anecdótico. Su ubicación a 25 minutos de la A-6 hace que llegar sea relativamente sencillo. Navia tiene ademas: riqueza cultural e histórica como el puente, el castillo y su casco antiguo, innumerables rutas de senderismo en los alrededores, la zona fluvial, y es un excelente punto de partida para visitar el entorno. Las pallozas, las brañas, el entorno del río Navia, las montañas, castros, castillos, miradores, etc. Sería deseable un pequeño apoyo institucional como han hecho en otros lugares para atraer a visitantes como el cicloturista, visitantes sanos, respetuosos y normalmente acompañados/as lo cual también supone actividades complementarias.

Seguir leyendo

Votación
2 votos
Comentarios

«Ezequiel Mosquera: «Nos Ancares non ven o potencial que ten o porto»