Riotorto e Meira lembrarán ao poeta Avelino Díaz nos 120 anos do seu nacemento

Asociacións e centros de ensino dos dous concellos participan nun amplo programa de actos


Vilalba

120 anos do nacemento do poeta Avelino Díaz dan ocasión a que Riotorto e Meira, concellos relacionados coa súa vida, lle dediquen nas  vindeiras semanas actos variados, organizados pola asociación cultural que leva o nome do escritor. O primeiro día de actividades será o venres 22, cun acto denominado Lacón poético: na Órrea, parroquia natal do poeta (Local social, 19.30 horas), proxectarase o documental «Riotorto emigrante: a voz dos retornados»; presentarase o libro «14 poemas», con estudo de Benigno Fernández Salgado; entregarase un cadro de Antonio Rivas á asociación veciñal da parroquia; actuará o coro de Riotorto, e serviranse petiscos de lacón tras o peche do acto, no que intervirá o alcalde de Riotorto, Clemente Iglesias.

Ao día seguinte, en Meira (Casa da Cultura, 17 horas), o xornalista e profesor Xosé López, secretario do Consello da Cultura Galega, dará unha conferencia sobre Avelino Díaz; presentarase o devandito libro; pronunciará unha conferencia o profesor e académico Xesús Alonso Montero; interrvirá o presidente da asociación Avelino Díaz, Francisco Veiga, e actuará o grupo Tango en xan3iro despois do peche, no que falará o alcalde local, Antonio de Dios.

Ao longo destes días, comezando xa no IES Pedregal de Irimia o vindeiro venres, haberá actividades dedicadas a Avelino Díaz coa participación de asociacións e de centros de ensino de Riotorto e de Meira. Avelino Díaz (1897-1971) naceu na Órrea (Riotorto), onde viviu parte da nenez antes de trasladarse a Meira. Emigrou sendo novo a América, volveu a Galicia,volveu marchar a América, e en Arxentina desenvolveu o seu labor poético e está enterrado.

Dende hai anos, a asociación que leva o seu nome tenta que se lle dedique o Día das Letras Galegas, e mesmo ten organizado roteiros por lugares de Meira e de Riotorto asociados coa súa vida. Descendentes seus visitaron a terra de orixe no 2015.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

Riotorto e Meira lembrarán ao poeta Avelino Díaz nos 120 anos do seu nacemento