A Deputación coruñesa premia a Xaneco Tubío

O traballo de Xaneco Tubío como artesán fabricante de instrumentos vén de ser recoñecidO pola Deputación da Coruña. A institución concedeulle o premio no apartado de artesanía tradicional no certame que leva o nome de Antón Fraguas. A obra Zanfona CarneiFona foi seleccionaDa polo xurado entre un total de 219, elaboradas por 64 artesáns.

A obra gañadora formará, xunto con outras, o contido dunha exposición que percorrerá diversas vilas e cidades da Coruña, segundo anunciou hoxe Tubío. O artesán de Outeiro de Rei recoñeceu que para el era «unha honra» acadar ese recoñecemento, que supón, dixo, un paso máis nunha traxectoria profesional de máis de vinte anos.