O alumnado recupera a memoria de Navia con fotos, receitas e palabras

Sacarán á rúa pola Festa da Androlla o libro «Vai de cocho»


Lugo / La Voz

O despoboamento no rural e os recortes educativos non frean a actividade no colexio CPI Dr. Daniel Monje de Navia de Suarna, onde o alumnado, dirixidos polo equipo de profesores, levan anos realizando unha importante labor de recuperación da memoria do seu pobo, a través de fotografías, receitas de cociña, toponimia, palabras patrimoniais ou mesmo arquitectura. Moitos destes traballos de recompilación e divulgación publicáronse en forma de libros. A última creación está a piques de saír á rúa baixo o título Vai de cocho, unha obra con cerca de oitenta receitas de cociña sobre o porco que os cativos recolleron das súas familias. Verá a luz pola Festa da Androlla, que se celebra en Navia a primeira fin de semana de marzo (os días 1 e 2).

Esta nova obra sumarase ás dúas que publicaron con fotografías antigas, de entre principios do século XX e os anos setenta: Unha imaxe... mil recordos. Historia gráfica de Navia de Suarna, que financiou integramente a Deputación, e Unha historia para un futuro. Orgullos@s do noso, orgullos@s do galego, no que tamén colaborou a Deputación.

Ademais, publicaron Toma castaña, con receitas desta froita; Fardelo de tradicións, con exemplos da literatura oral de Navia; ou Os adeuses, sobre historias da emigración, ademais das revistas Sendiñela.

Ademais, a pesar de non chegar aos 70 alumnos desde Infantil ata cuarto de ESO, a súa actividade traspasa fronteiras mediante, entre outras cousas, as xornadas culturais, que en cada quenda se dedican a unha cultura. Ata agora xa van Portugal, Cataluña, Marrocos ou Estados Unidos, que implican actividades para achegarse á vida nestes lugares, culturais, literarias, científicas e mesmo con xornadas gastronómicas no comedor.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
15 votos

O alumnado recupera a memoria de Navia con fotos, receitas e palabras