Xesús Fraga presentará hoxe unha novela xuvenil sobre o mago Waldemar

Varios ilusionistas intervirán no acto que empezará ás oito no Mesón do Forno


lugo / la voz

A chegada a Lugo para pasar o verán dun rapaz que se aloxa na fonda que o mago Waldemar utiliza como base de operacións entre viaxe e viaxe supón o punto de partida de O elefante branco, unha novela xuvenil escrita polo xornalista Xesús Fraga (Londres, 1971), que traballa para a sección de Cultura de La Voz de Galicia. O Mesón do Forno, epicentro das reunións do Colectivo Máxico Waldemar, acollerá esta noite, a partir das 20.00 horas, a presentación da obra. Ademais do autor, intervirán no acto o escritor Antonio Reigosa e varios ilusionistas de Waldemar, que ofrecerán algúns números. Tamén colabora a librería Trama.

Fraga traballou na cidade amurallada na segunda metade dos noventa, e foi neses anos cando escribiu unha reportaxe sobre a tertulia de magos que daquela daba os seus primeiros pasos no local hostaleiro da Rúa Río Ser. Aí naceu a súa fascinación por Waldemar, un ilusionista lugués que actuará en moitos países. «Fora dos máis grandes, pero estaba algo esquecido», subliña o escritor. A novela, editada por Tambre, relata as aventuras fantásticas, algunhas afastadas no espazo, outras moi próximas, do mago.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos

Xesús Fraga presentará hoxe unha novela xuvenil sobre o mago Waldemar