A homenaxe terá lugar na Pastoriza o día 22
13 jun 2013 . Actualizado a las 15:05 h.A distinción, que conceden a Asociación Cultural Xermolos e a Irmandade Manuel María, outórgase este ano polo labor ese colectivo realiza na conservación e no espallamento da música tradicional, que se reflicte de maneira clara na Mostra de Instrumentos do Festival de Pardiñas.
Os actos do día 22 comezan cunha mesa redonda na Casa da Cultura da Pastoriza, prevista para as 12 do mediodía. Co xornalista Xulio Xiz como moderador, intervirán os músicos Santiago Caneiro, Pablo Carpintero, Xaneco Tubío e Olimpio Xiráldez. Logo haberá un xantar de irmandade, para o que inscrición pode facerse no teléfono 646 413 890 ou mandando un correo electrónico a xermolos@xermolos.org e cuxo custe é de 18 de euros. O programa da xornada complétase coa actuación de Mini e Mero e cunha foliada.