Vinte artistas participarán nos proxectos EnredArte

la voz

Vinte artistas foron seleccionados por un xurado para participar nos proxectos creativos EnredArte, promovidos pola Deputación e que se desenvolverán nos vindeiros meses nos catro museos da Rede Museística -Museo de Lugo, Museo do Mar, Pazo de Tor e San Paio de Narla-, a sala de exposicións do Pazo de San Marcos e o hospital San José. O delegado de Cultura, Mario Outeiro, e a xerente da rede, Encarna Lago, deron a coñecer onte o nome dos artistas, entre os que hai novos creadores e figuras xa consagradas. «Ademais de ser un acicate para promover a creación artística [...] axudará a poñer en valor os espazos museísticos e os fondos propios dos museos da Rede», subliñou Outeiro.

Deste xeito, en Estudo Aberto, que terá lugar en San Marcos e que está concibido para artistas plásticos de disciplinas como a pintura, a escultura, o debuxo, a instalación, a fotografía ou a vídeo creación, tomarán parte: Reme Remedios, Paz Vicente, Cristóbal Tabares e Ro-Ro, Gema López, Eva Gaztelumendi e Lomarti -en xullo-; e Mónica Trastoy, José M. Luque, Eva Cruz, Edurne Herran, Senén Olano e Ruth Montiel Arias -en agosto-. Mentres, en Diálogos na Rede, unha iniciativa que se realizará nos catro museos provinciais, estarán: Enrique Tenreiro, Iago Eireos, Marina Núñez, Óscar Seco, Carmen Llonín, Paula Cabaleiro, Isabel Somoza e Yolanda Dorda. Establecerán un diálogo artístico con pezas ou coleccións concretas de cada espazo cultural.

Charla en Bonxe

Finalmente, dentro de Espazos Públicos de Visibilidade, Encarna Lago e Lucía Dequit e Francisca Abuín, do departamento de Didáctica, visitarán hoxe o centro penitenciario de Bonxe para ofrecer unha charla aos reclusos sobre os museos lucenses. O xoves 20 de xuño, os internos que participen na experiencia presentarán os seus traballos plásticos no Museo.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
5 votos

Vinte artistas participarán nos proxectos EnredArte