Guitiriz loita para que o poeta Díaz Castro protagonice o Día das Letras Galegas do 2014

Alumnos e profesores do instituto achegan un video á campaña que pide a homenaxe ao autor de «Nimbos»


vilalba / la voz

Díaz Castro 2014. Ese podería ser, nun breve e quizais inexacto eslogan, a definición que asociacións e entidades de Guitiriz están a artellar para que o Día das Letras Galegas do vindeiro ano se lle dedique a Xosé María Díaz Castro (1914-1990).

Nado na parroquia dos Vilares e enterrado en Guitiriz, vila á que volveu para pasar os derradeiros anos da súa vida tras unha estadía en cidades de Galicia e doutras comunidades, Xosé María Díaz Castro é coñecido polo seu poemario Nimbos, que goza dun amplo prestixio na historia da literatura galega contemporánea.

A achega máis inmediata nesa campaña que reclama o recoñecemento da Real Academia Galega para o poeta terá lugar pasado mañá, precisamente no instituto que leva o nome do autor de Nimbos. Alí presentarase o documental A lus do mundo. Redescubrindo ao poeta Díaz Castro, realizado por alumnos do centro.

O traballo inclúe ademais a participación da profesora Sandra Tenreiro, que puxo música a varios poemas, e do alumno David Gómez, que fixo unha versión rap dun texto de Díaz Castro. O documental hase presentar logo noutras cidades galegas para espallar esa visión do poeta dos Vilares.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
3 votos

Guitiriz loita para que o poeta Díaz Castro protagonice o Día das Letras Galegas do 2014