A ruta automobilístíca Eo - Terras de Burón volve tras 12 anos cun carácter turístico

la voz

Uns 80 vehículos tomarán parte entre mañá e o luns na undécima Ruta Eo-Terras de Burón, un encontro automobilístico que volve celebrarse despois dun parón de doce anos. O itinerario constará de 190 quilómetros, que se dividirán en dúas etapas, e discorrerá polos municipios de Baleira, A Fonsagrada, Ribeira de Piquín, A Pontenova, Trabada, Ribadeo e Riotorto. Os participantes poderán realizar a ruta en calquera tipo de automóbil: 4x4, todoterreo, turismo ou moto trail.

Esta nova edición da ruta foi presentada onte pola deputada provincial de Medio Ambiente, Sonsoles López Izquierdo; o alcalde da Fonsagrada, Argelio Fernández, e o presidente do colectivo organizador, o club Rutas de Galicia, José Manuel Vega, que destacaron os aires totalmente renovados cos que retorna esta proba, pois pasa de ter un carácter principalmente deportivo a ampliar os seus obxectivos cara a promoción do turismo medioambiental.

O alcalde da Fonsagrada recalcou que se trata dun itinerario que non ten un carácter competitivo e que respecta o medio ambiente, pois na súa maioría discorre por asfalto. Ademais, está dirixido a todo tipo de persoas, tanto afeccionados como público familiar.

Novas actividades

Este encontro automobilístico supón a posta de largo do club Rutas de Galicia, que foi constituído hai un ano e medio, retomando a actividade do colectivo Rutas del Eo, organizador nos 90 das dez edicións celebradas da ruta Eo-Terras de Burón. O presidente do club organizador avanzou que esta actividade é o punto de partida dunha ampla programación que levará a cabo a agrupación que preside, como rutas de sendeirismo ou en bicicleta de montaña.

A Deputación colaborará coa organización na gravación e edición dun CD sobre a proba, que se distribuirá entre medios de toda España para incrementar a difusión e facilitar a continuidade da ruta.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos

A ruta automobilístíca Eo - Terras de Burón volve tras 12 anos cun carácter turístico