Mini e Mero guiaron unha xornada sobre os cantos de Nadal promovida pola Tradescola


Ao redor de oitenta persoas asistiron onte ao monográfico sobre Cantos de Nadal promovido pola escola de música tradicional xestionada pola Asociación de Gaiteiros Galegos, Tradescola. Xosé Luis Rivas Cruz (Mini) e Baldomero Baldomero Iglesias Dobarrio (Mero), cofundadores de Fuxan os Ventos e fundadores de A Quenlla, foron os encargados de guiar a actividade, na que se amosaron as cantigas e tradicións propias do Nadal en Galicia. O repaso fixo referencia aos cantares de Nadal, aos cantares de Aninovo e aos cantares de Rei, entre outros.

Sabedoría do rural

Mini e Mero son mestres no rural, musicólogos, intérpretes e autores de libros como Contos de vellos para nenos ou Somos lenda viva , ademais de ser recolledores de música tradicional e da sabedoría popular da xente do rural galego. onte estiveron acompañados polo gaiteiro Raúl Galego, que formou parte dunhas trinta agrupacións folclóricas. A xornada tivo lugar no salón de actos do centro xuvenil Lug II.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
2 votos

Mini e Mero guiaron unha xornada sobre os cantos de Nadal promovida pola Tradescola