Rodríguez Fer e Murado publican senllos poemarios en Xerais

«A loita continúa» e «Lapidario» seguen fieis ao estilo dos autores Están editados, ao prezo de 11,50 euros, na colección «Literaria-Poesía»


lugo

A actividade creadora do poeta, investigador e profesor do campus Claudio Rodríguez Fer non se detén. Organizador do curso de verán sobre amor e literatura, a celebrar en xullo, e coordinador das revistas Moenia e Unión Libre , vén de publicar un novo poemario, en Edicións Xerais.O título xa define as intencións de Rodríguez Fer, A loita continúa . Se a poesía é o xénero máis persoal dos literarios, o libro do autor lucense é un compendio dos medos, das pegadas históricas, dos amores, en definitiva, da vida dun poeta. Dende Xerais destacan que o poemario «trata dunha poesía integral sobre a vida a través da autenticidade e do descoñecemento e da radicalidade». Como apéndice ao libro, inclúese o esperpento histórico e escénico do «Gran Tirano que creamos, que padecemos e que mesmo levamos dentro», sinalan dende Xerais.DiálogoDesta maneira aborda o escritor, poeta e xornalista lucense Miguel Anxo Murado o seu último libro, Lapidario , editado tamén por Xerais. O autor revisita boa parte da súa producción -en 1990 foi finalista do premio Esquío con Lapidarios dos heterodoxos -, amosando a súa fascinación pola brevidade e a exactitude. Murado bota man do xénero do epitafio, onde os personaxes dialogan entre si coma se participasen nun pequeno teatriño infantil.Tanto o libro de Rodríguez Fer como de Miguel Anxo Murado pódense atopar na colección Edición Literaria-Poesía , ao prezo de 11,50 euros cada un. É de destacar a aparición en maio do libro Solimán , do escritor e xornalista Xesús Fraga, co que o autor betanceiro, pero con vínculos lucenses, gañou o premio de narrativa Rubia Barcia-Cidade de Ferrol 2003. Novela sobre a amizade e os primeiros amores ao longo dos anos, nun contexto histórico como foi o remate da década dos setenta e o inicio dos oitenta. Unha obra sobre a memoria e que segue fiel ao estilo do xornalista.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos

Rodríguez Fer e Murado publican senllos poemarios en Xerais